Գառնիի Մէջ Նշուեցաւ Փետրուարեան Ապստամբութեան Տարեդարձը

0220karni2

0220karni2

ԵՐԵՒԱՆ, «Երկիր».- «Այսօր այն օրն է, երբ Հայաստանի Հանրապետութեան ազատագրութեանը մասնակցած եւ Առաջին Հանրապետութիւնը կերտած անձինք ապստամբեցին եւ կարողացան վերահաստատել հայ ժողովրդի ազատ ապրելու իրաւունքը. 99 տարի առաջ այս օրը բոլշեւիկեան լծի տակ գտնուելու պայմաններում կազմակերպուեց ապստամբութիւն, որը բոլշեւիկները բնութագրում էին որպէս «աւանտիւրա» (արկածախնդրութիւն-Խմբ.), իսկ իրականում այն ազատագրական ապստամբութիւն էր, որովհետեւ բռնութիւնները եւ դաժան վերաբերմունքը խորհրդային կարգերի հաստատման պահից տիրել էր ամբողջ Հայաստանում, որին զոհ գնացին բազմաթիւ հայորդիներ»։ Այս մասին Գառնի գիւղին մէջ Փետրուարեան ապստամբութեան մասնակցած հայ խմբապետներու եւ մարտիկներու շիրիմներուն առջեւ յայտարարեց ՀՅԴ Հայաստանի Գերագոյն մարմինի անդամ Արծուիկ Մինասեան:

1921ին Փետրուարեան ապստամբութեան օրերուն Գառնին այն հիմնական վայրերէն էր, ուր սկիզբ առաւ եւ ընթացաւ անկախութեան վերականգման պայքարը: Ամէն տարի Գառնիի մէջ՝ գառնեցի յայտնի գործիչներ Խնկոյի եւ Մակեդոնի, խմբապետներ Վարդանի, Արտուշի, Մարտիրոսի ու Ղազարի գերեզմաններուն մօտ տեղի կ՛ունենայ խնկավառութիւն՝ ի յիշատակ Հայաստանի ազատագրութեան համար մարտնչած հայորդիներուն:

Ձեռնարկին մասնակցողները, որոնց կարգին էին նաեւ ՀՅԴ Հայաստանի Գերագոյն մարմինի անդամ Աշոտ Սիմոնեան, ՀՅԴ Գառնիի  կոմիտէութեան անդամներ եւ շարք մը այլ հասարակական-քաղաքական եւ կուսակցական գործիչներ, այցելեցին Գառնիի Ս. Աստուածածին եկեղեցւոյ բակին մէջ թաղուած խմբապետներ Խնկոյի եւ Մակեդոնի, այնուհետեւ՝ գիւղական գերեզմանատան մէջ թաղուած խմբապետներ Վարդանի եւ Արտուշի գերեզմանները, ապա ուղղուեցան Գառնի տանող ճամբուն վրայ գտնուող պանթէոն: Հոն կը հանգչին նաեւ Արցախեան հերոսամարտին եւ զինադադարի շրջանին զոհուած մարտիկները:

«Երկիր»ի հետ զրոյցի մը ընթացքին Արծուիկ Մինասեան նշեց, որ այս օրը հայկական պետականութեան, ինքնութեան համար պայքարի եւ անոր ամրապնդման օր է՝ աւելցնելով, որ Փետրուարեան ապստամբութիւնը ցոյց տուաւ, որ հայ ժողովուրդը իր վճռականութեամբ պատրաստ է նոյնիսկ պոլշեւիկներու դէմ կռուելու, եթէ անոնց նպատակը հայու տեսակը վերացնելն է:

Ըստ Արծուիկ Մինասեանի՝ 18 Փետրուարը շատ կարեւոր խորհուրդ ունի, որն է՝ երբեք չդադրիլ ազգային արժեհամակարգին մաս կազմելէ, երբեք չդադրիլ մտածելէ, որ դուն հայ ես:

«Երբ սկսեցիր մտածել, որ դու կարող ես լինել աշխարհաքաղաքացի, քեզ դնել ամերիկացու, գերմանացու, ֆրանսիացու տեղ՝ դատապարտուած ես կործանման: Արդիւնքում՝ կը մնայ անձ, որն ապրում է ընդամէնը ստամոքսով», նշեց ՀՅԴ Գերագոյն մարմինի անդամը:

Արծուիկ Մինասեան նկատել տուաւ, որ բազմաթիւ ընդհանրութիւններ կան այսօրուան եւ այն ժամանակուան ամբոխավարական մօտեցումներուն մէջ. «Աստուած չտայ, որ նորից պահանջ առաջանայ՝ հիմա էլ արդէն այլ անձանցից փրկել հայ ժողովրդին: Աստուած իմաստութիւն թող տայ մեր իշխանութիւններին, տայ գիտակցումն այն բանի, որ իր ազգային ինքնութեանը նուիրուած լինելու եւ ազգային ինքնութեամբ ապրելու մէջ է հայ ժողովրդի ապրելու բանաձեւը: Թող երբեւէ որեւէ իշխանութեան չթուայ, որ եթէ իշխանութեան են գալիս ամբոխավարութեամբ, ուրեմն կարող են հայ ժողովրդի դէմ ամէն բան գործարկել: Պատժուել են այդպիսի իշխանութիւնները եւ շարունակելու են պատժուել բոլոր նրանք, ովքեր կը մտածեն այդպէս: Մեզ բոլորիս կամք եւ վճռականութիւն, որ կերտենք իսկապէս ազատ, անկախ եւ միացեալ Հայաստան», եզրափակեց Մինասեան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top