Ռազմական Ոստիկանութեան Եւ Բանակի Բարոյահոգեբանական Ապահովման Վարչութեան Մէջ՝ Փոփոխութիւններ

0220Bashdonang

0220Bashdonang

ԵՐԵՒԱՆ, «Արմէնփրէս».- Ռազմական ոստիկանութեան պետ Արթուր Պաղտասարեան եւ զինուած ուժերու բարոյահոգեբանական ապահովման վարչութեան պետ Ալեքսան Ալեքսանեան արձակուեցան իրենց պաշտօններէն։ Այս մասին համապատասխան հրամանագիրներ հրապարակուեցան նախագահի պաշտօնական կայքին վրայ:

Աւելի կանուխ, վարչապետ Նիկոլ Փաշինեան վերոնշեալ պաշտօնեաները պաշտօնանկ ընելու առաջարկով դիմած էր նախագահ Արմէն Սարգսեանին:

1 Յունուարէն մինչեւ օրս Հայաստանի եւ Արցախի զինուած ուժերուն մէջ արձանագրուած են մարտական գործողութիւններու հետ կապ չունեցող մահուան 13 դէպքեր, որոնք հանրային մեծ արձագանգներ ունեցան:

Զինուած ուժերու ընդհանուր հրամանատար Արտակ Դաւթեան յայտարարեց, որ բարձր պաշտօններու փոփոխութիւններ պիտի կատարուին բանակին մէջ, սակայն չնշեց, թէ ո՛ր պաշտօնեաներուն մասին է խօսքը: Դաւթեան նաեւ նշեց, որ չի պատրաստուիր հրաժարական տալու:

Արթուր Պաղտասարեան Հայաստանի պաշտպանութեան նախարարութեան ռազմական ոստիկանութեան պետի պաշտօնին նշանակուած է 25 Մայիս 2017ին, իսկ Ալեքսան Ալեքսանեան բանակի բարոյահոգեբանական ապահովման վարչութեան պետ դարձած է 28 Նոյեմբեր 2019ին։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top