«Ադրբեջանի Դիրքորոշումները Մերժում Են Արցախի Ժողովրդի Իրաւունքները». Մնացականեան՝ Թոյվօ Քլաարին

0220Zohrab

0220Zohrab

ԵՐԵՒԱՆ, «Արմէնփրէս».- Հայաստանի արտաքին գործոց նախարար Զօհրապ Մնացականեան ընդունեց Հարաւային Կովկասի եւ Վրաստանի ճգնաժամի հարցերու Եւրոպական Միութեան յատուկ ներկայացուցիչ Թոյվօ Քլաարը։

Զրուցակիցները անդրադարձան Լեռնային Ղարաբաղի խաղաղ լուծման գործընթացին եւ այս ծիրին մէջ տեղի ունեցած վերջին հանդիպումներուն: Երկուստեք կարեւոր նկատեցին ժողովուրդները խաղաղութեան նախապատրաստման շուրջ ձեռք բերուած պայմանաւորուածութիւններուն իրական բովանդակութիւն հաղորդելու անհրաժեշտութիւնը: Այս պարունակին մէջ, արտաքին գործոց նախարարը յատկապէս կարեւոր նկատեց ղեկավարներու մակարդակով, իրենց հասարակութիւններուն խաղաղութեան հրապարակային ազդակներու եւ ուղերձներու յղումը եւ նշեց, որ ատրպէյճանական կողմը հրապարակային դաշտին մէջ կը շարունակէ հանդէս գալ Արցախի ժողովուրդին իրաւունքները մերժող առաւելապաշտական դիրքորոշումներով, որոնք կարելիութիւն չեն տար յառաջընթաց արձանագրելու խաղաղ գործընթացին մէջ:

Կողմերը միտքեր փոխանակեցին Հայաստան-Եւրոպական Միութիւն գործընկերութեան բազմաշերտ օրակարգին շուրջ եւ անդրադարձան միջազգային ու տարածաշրջանային հրատապ հարցերու։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top