Պոլիս Մերժած Է Փարիզի Հետ Գործընկերութեան Ծրագիրը՝ Ֆրանսայի «Թշնամական Կեցուածք»ին Պատճառով

0220Imamoglu Paris

0220Imamoglu Paris

ՓԱՐԻԶ, «Նոր Յառաջ».- Թուրքիոյ նկատմամբ Ֆրանսայի «թշնամական կեցուածք»ը պատճառաբանելով՝ Պոլսոյ քաղաքապետական խորհուրդը մերժած է Փարիզի հետ գործընկերութեան ծրագիրը:

Արդարեւ, Պոլսոյ քաղաքապետական խորհուրդին գումարած նիստի օրակարգի նիւթերուն մաս կազմած այս ծրագիրին դէմ արտայայտուած էր նաեւ Թուրքիոյ արտաքին գործոց նախարարութիւնը, որ նշեալ «թշնամական կեցուածք»ին մէջ նշած էր Հայոց Ցեղասպանութեան ժխտումը քրէականացելու հարցը, ապա նաեւ՝ սուրիական հողերուն վրայ թրքական «Խաղաղութեան ակունք» գործողութեան դէմ Ֆրանսայի դիրքորոշումը եւ հուսկ՝ երկու երկիրներու՝ Ֆրանսայի եւ Թուրքիոյ՝ Լիպիոյ մէջ հակադիր ճակատներու զօրակցութիւնը։

Անոնք, որոնք դէմ արտայայտուած են մերժումին՝ փորձած են համոզել, որ երկրին արտաքին քաղաքականութիւնը պէտք չէ շփոթել քաղաքապետարաններու միջեւ գործակցութեան ծրագիրներով, բայց՝ ի զուր։ Յիշեցնենք, որ Պոլսոյ քաղաքապետարանը կը գլխաւորէ ընդդիմադիր Հանրապետական Ժողովրդային կուսակցութեան անդամ Էքրեմ Իմամօղլու, բայց քաղաքապետարանի խորհրդականներուն մեծամասնութիւնը իշխող կուսակցութեան անդամ է:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top