Բուն Բարեկենդանի Տօնին Առիթով Արամ Ա. Ընդունեց Մայրավանքի Կիրակնօրեայ Վարժարանին Փոքրիկները

ԱՆԹԻԼԻԱՍ.- Մեծ պահոց քառասնօրեակին կը նախորդէ Բուն Բարեկենդանի Կիրակին, որ Անթիլիասի Մայրավանքին կիրակնօրեայ վարժարանը զայն կը նշէ փոքրիկներուն զանազան կերպարներու ծպտումով: Առ այդ, Կիրակի, 23 Փետրուարին, Անթիլիասի Սուրբ Գրիգոր Լուսաւորիչ Մայր տաճարին մէջ Ս. եւ անմահ պատարագէն ետք, Արամ Ա. վեհափառ հայրապետը Վեհարանի դահլիճին մէջ ընդունեց Կիրակնօրեայ վարժարանի փոքրիկները:

Կաթողիկոսը իր գնահատական խօսքին մէջ գնահատեց Կիրակնօրեայ վարժարան յաճախող մանուկները եւ անոնց պատասխանատուները ու շեշտեց Կիրակնօրեայ վարժարանին դաստիարակչական դերը մանուկներու կեանքին մէջ:

Այս առիթով, հայրապետը քաջալերեց եւ իր գնահատանքը յայտնեց փոքրիկներու ծնողներուն, որոնք իրենց զաւակները կը վստահին Կիրակնօրեային, որպէսզի անոնք այնտեղ ստանան քրիստոնէական ու հայեցի դաստիարակութիւն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top