Անի Յովհաննէսեան-Գէորգեան՝ Հայ Դատի Կրթական Բաժանմունքի Ձեռնարկին Գլխաւոր Բանախօսը  

SONY DSC

 

SONY DSC

ԿԼԵՆՏԷՅԼ.- Արեւմտեան Ամերիկայի Հայ Դատի յանձնախումբի կրթական հարցերու բաժանմունքը կը տեղեկացնէ, թէ Շաբաթ, 7 Մարտին, կ.ա. ժամը 11ին տեղի ունենալիք տարեկան չորրորդ մրցանակաբաշխութեան ձեռնարկին գլխաւոր բանախօսը պիտի ըլլայ վաւերագրական ֆիլմեր արտադրող Անի Յովհաննէսեան-Գէորգեան։

Ձեռնարկին ընթացքին պիտի մեծարուին հանրային վարժարաններու մէջ Հայոց Ցեղասպանութեան նիւթը դասաւանդող շարք մը ուսուցիչներ, իսկ հեղինակաւոր պատմաբան եւ Անիի հօր՝ դոկտ. Ռիչըրտ Յովհաննէսեանին պիտի շնորհուի «Հայոց Ցեղասպանութեան դասաւանդման ժառանգութիւն» մրցանակը։

«Հպարտ ենք, որ Անի Յովհաննէսեան-Գէորգեան պիտի ըլլայ մեր ձեռնարկին գլխաւոր բանախօսը եւ պատուոյ հիւրը։ Ան յատկանշական աշխատանք կը տանի վաւերագրելու մեր պատմութիւնը», կը յայտնէ կրթական հարցերու բաժանմունքի ատենապետ Ալիս Պետրոսեան։

Պատկերասփիւռի համար արտադրած հարիւրաւոր տեսանիւթերու կողքին, Անի Յովհաննէսեան-Գէորգեան իր արհեստավարժ ասպարէզին ընթացքին բեմադրած է նաեւ Արեւմտեան Հայաստան կատարած իր չորս այցելութիւններուն հիման վրայ վաւերագրական «Ծածուկ Քարտէսը» ֆիլմը, որ շարք մը մրցանակներու արժանացած է։ Անին եղած է նաեւ «ԹելէՆայիրի» եւ «Հորիզոն» պատկերասփիւռի յայտագիրներու հաղորդավար։ Ան հաղորդակցութեանց եւ լրագրութեան ճիւղերուն մէջ մասնագիտացած է Քալիֆորնիոյ համալսարանի Լոս Անճելըսի մասնաճիւղին եւ Հարաւային Քալիֆորնիոյ համալսարանին մէջ։

Հայ Դատի վերոնշեալ ճաշկերոյթը տեղի պիտի ունենայ Պըրպենքի De Luxe սրահին մէջ, որուն հասցէն է՝ 237 E. Olive Ave., Burbank, CA 91502։ Տեղեր ապահովելու կամ հովանաւորութեան առիթներուն ծանօթանալու համար՝ այցելել www.ANCAWR.org/luncheon2020 կայքէջը կամ դիմել (818) 500-1918 թիւին։

 

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top