Մահացած Է Յուշարձանագէտ Սամուէլ Կարապետեան

0227samvel

0227samvel

 

ԵՐԵՒԱՆ, «Արմէնփրէս».- 59 տարեկանին մահացաւ յուշարձանագէտ, պատմաբան, բանահաւաք Սամուէլ Կարապետեան: Ան Հայկական ճարտարապետութիւնը ուսումնասիրող հիմնադրամի երեւանեան գրասենեակի նախագահն էր: Հեղինակ է բազմաթիւ արժէքաւոր գիրքերու եւ աշխատութիւններու: Երեք տասնամեակներու ընթացքին հետազօտած եւ ցուցակագրած է Պատմական Հայաստանի հայ ճարտարապետութեան հազարաւոր նմոյշներ: Հայկական յուշարձաններու ոչնչացման փաստերը Սամուէլ Կարապետեան 2007ին ներկայացուցած է Միացեալ Նահանգներու քոնկրեսին, իսկ 2008ին՝ Մարդու իրաւունքներու եւրոպական դատարանին:

Արժանացած է Հայաստանի նախագահի մրցանակին եւ Արցախի Հանրապետութեան «Մեսրոպ Մաշտոց» շքանշանին: Սամուէլ Կարապետեանի մահուան գոյժը «Ֆէյսպուք»ի իր էջին վրայ հրապարակեց պատմաբան Վահէ Լորենց: «Խօսքեր չեմ գտնում ասելու… եղբայր, ընկեր, հայ… Մա՛րդ… դառը, շատ դառը կորուստ գիտութեան համար, ազգի՛ համար, մարդկութեա՛ն համար… ճանաչածս ամենալուսաւոր, ամենաազնիւ, ամենաանաչառ մարդկանցից մէկը…», գրած է Լորենց:

Յուշարձանագէտին մահուան լուրը տարածեց նաեւ «Հայ կինոյի վերածնունդ» կազմակերպութիւնը. «Մահացել է հայ անուանի յուշարձանագէտ, պատմաբան, բանահաւաք Սամուէլ Կարապետեանը: Գիտութեանը եւ մշակոյթին նուիրեալ անհատականութիւն, որի թողած ուսումնասիրութիւններով ժառանգութիւնը դեռ սերունդներ է կրթելու: Իր գործին նուիրեալ եզակի տեսակով ազնիւ մարդ եւ մասնագէտ: Ցաւակցում ենք Կարապետեանների ընտանիքին եւ նրա մտերիմներին»։

Սամուէլ Կարապետեան ծնած է 30 Յուլիս 1961ին: Արմատներով Արճեշ գաւառի Բերդաղ գիւղէն է: 1978ին աւարտած է Երեւանի Միսաք Մանուշեանի անուան թիւ 48 դպրոցը։ 1975 թուականէն սկսած է ճամբորդել Խորհրդային Հայաստանի տարածքին՝ բնութիւնը ուսումնասիրելու նպատակով, իսկ 1978էն սկսեալ լուսանկարած, չափած եւ նկարագրած է հայկական յուշարձանները ամբողջ Պատմական Հայաստանի տարածքին։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top