ՀՄԸՄի Շրջանային Վարչութեան Շնորհաւորական Այցելութիւնը՝ Նախարար Օհանեան-Գէորգեանին

0000NAKHARAR

0000NAKHARAR

ՊԷՅՐՈՒԹ.- Երկուշաբթի, 24 Փետրուարին, ՀՄԸՄի Լիբանանի Շրջանային վարչութենէն պատուիրակութիւն մը այցելութիւն տուաւ Լիբանանի երիտասարդութեան եւ մարմնակրթութեան նախարար Վարդինէ Օհանեան-Գէորգեանին, անոր գրասենեակին մէջ:

Շնորհաւորելով նախարար Օհանեան-Գէորգեանը՝ իր ստանձնած պաշտօնին համար, Շրջանային վարչութեան պատուիրակութիւնը ներկայացուց ՀՄԸՄի Լիբանանի շրջանային եւ մասնաճիւղային զանազան մարզերն եւ մարզական դպրոցները, ինչպէս նաեւ տեղեակ պահեց ցարդ կատարուած աշխատանքներուն եւ ձեռք բերած յաջողութիւններուն մասին:

Հանդիպումին ընթացքին, նախարար Օհանեան-Գէորգեան իր կարգին շեշտեց նաեւ երիտասարդութեան դերին կարեւորութիւնը: Ան դիտել տուաւ, որ կը քաջալերէ երիտասարդութեան կարծիքը՝ զայն միշտ առաջնահերթ նկատելով. նախարարը յայտնեց, որ աշխատանք պիտի տանի երիտասարդութեան դերին աշխուժացման ուղղութեամբ:

Հանդիպումին աւարտին Րաֆֆի Մումջօղլեան Վարդինէ Օհանեան-Գէորգեանին յանձնեց յատուկ յուշանուէր մը եւ յաջողութիւն մաղթեց անոր՝ վստահեցնելով, որ ՀՄԸՄը միշտ պատրաստ է աջակցելու նախարարութեան՝ նպաստելով Լիբանանի մարզական եւ սկաուտական մարզերուն:

Պատուիրակութիւնը այցելութիւն տուաւ նաեւ Լիբանանի երիտասարդութեան եւ մարմնակրթութեան ընդհանուր տնօրէն Զէյտ Խիամիին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top