Ատրպէյճանի Մէջ Կը Շարունակուին Թալիշներու Հետապնդումները

0527Talish

0527Talish

ՊԱՔՈՒ.- Անցեալ շաբաթ, Ատրպէյճանի Լենքորան քաղաքին մէջ ձերբակալուեցաւ թալիշ թղթակից եւ իրաւանց պաշտպան Էլվին Իրշատով, որ ընկերային ցանցերու վրայ ծանօթ է Ումար Ալի անունով:

Ատրպէյճանական «Թուրան» լրատու գործակալութիւնը կը հաղորդէ, թէ «Ատրպէյճանի թալիշներու հասարակական խորհուրդ»ը յայտարարած է, որ Իրշատով ձերբակալուած է, երբ դրամատուն մը կը փորձէր մտնել։

Իրշատով երկար ժամանակէ ի վեր կը հետապնդուէր երկրին իրաւապահ մարմիններուն կողմէ, մենատիրական իշխանութիւնը քննադատելուն համար: Մասնաւորաբար, շաբաթներ առաջ ան հրապարակած էր տեսանիւթ մը, որուն մէջ կը ներկայացնէր, թէ երկրին իշխանութիւնները ինչպէս կը ջնջեն թալիշներու վերաբերեալ պատմական բոլոր յիշատակումները:

Ան կը ցուցադրէր 1995ին տպագրուած Ատրպէյճանի պատմութեան դասագիրքը, ուր յիշատակում կայ Թալիշ խանութեան մասին, սակայն պատմութեան նոր դասագիրքին մէջ այդ խանութիւնը կոչուած է Լենքորանի խանութիւն:

Ոստիկանութիւնը երկար ժամանակ չհաստատեց ձերբակալութեան լուրերը, իսկ ապա ընդունեց, սակայն մերժեց որեւէ մանրամասնութիւն հրապարակել այդ մասին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top