Սարօ Մարտիրեան Ընտրուեցաւ Ֆրանսայի Ալֆորվիլ Քաղաքի Փոխքաղաքապետ

0527Saro-Mardiryan

0527Saro-Mardiryan

ՓԱՐԻԶ, «Նոր Յառաջ»․- Ֆրանսայի հայաշատ Ալֆորվիլ քաղաքի փոխքաղաքապետ ընտրուեցաւ Ֆրանսայի Թեմական պատգամաւորական ժողովի եւ ՍԴՀԿի նախագահ Սարօ Մարտիրեան:

«41 տարի առաջ այս քաղաքը հիւրընկալեց իմ ընտանիքը եւ թոյլ տուաւ ինծի դառնալու այն, ինչ որ եմ այսօր: Այժմ կարգս է վերադարձնելու այն, ինչը ինծի տուած է Ալֆորվիլը՝ նուիրուածութեամբ եւ խոնարհութեամբ ծառայելու քաղաքին», ըսած է  Մարտիրեան, շնորհակալութիւն յայտնելով նաեւ իր ծնողներուն, որոնք հաստատուած են երկրի մը մէջ, որ կը յարգէ իր հայկական ինքնութիւնը:

«Վերջապէս, ես կը փափաքիմ հպարտութիւն յայտնել Ֆրանսայի եռագոյն վզնոցը կրելուս համար․ շատ մը հայերու նման մենք ընդունեցինք ֆրանսական արժէքները, պատմութիւնը եւ մշակոյթը, որոնք համահունչ են մեր հայկական ինքնութեան: Ինչպէս կը սիրէ ըսել մեր սիրելի Շարլ Ազնաւուրը՝ 100 տոկոս ֆրանսացի, 100 տոկոս հայ», եզրակացուցած է նորընտիր փոխքաղաքապետը:

Նշենք, որ Արցախի Բերձոր եւ Ֆրանսայի Ալֆորվիլ քաղաքները Բարեկամութեան հռչակագիր ստորագրած են: Ալֆորվիլը նաեւ քոյր քաղաք է Աշտարակի եւ Օշականի հետ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top