Youtube-ը Դուրս Հանեց Ցեղասպանութիւնը Ուրացող Թուրք-Հրեայ Գործարարին Տեսանիւթը

0527Youtube

0527Youtube

ԵՐԵՒԱՆ, «Էրմենիհապեր»․- YouTube-ի տնօրէնութիւնը դուրս հանեց Թուրքիոյ քաղաքացի հրեայ գործարար Տողան Քասատոլուի տեսանիւթը, որ Հայոց Ցեղասպանութեան վերաբերեալ ատելութեան խօսք կ՛ընդգրկէր։

Նշենք, որ անցեալ տարի Քասատոլու թրքական «Աքիթ» կայանէն Հայոց Ցեղասպանութեան մասին հետեւեալը յայտարարած էր․ «Հայոց Ցեղասպանութեան պնդումները դարու զրպարտութիւնն են եւ Թուրքիա այդ զրպարտանքին դէմ չի կրնար պէտք եղած ձեւով պայքարիլ»։

Տեսանիւթին վերցուելէն ետք, կայանը բողոք յղեց YouTube-ին՝ նշելով, որ նման քայլ մը դէմ է Թուրքիոյ սահմանադրութեան եւ Մարդկային իրաւունքներու եւրոպական դատարանի օրէնքներուն՝ պնդելով, որ տեսանիւթը ատելութեան խօսք չի պարունակեր։

Թրքական լրատուամիջոցը Հայոց Ցեղասպանութեան վերաբերեալ ստայօդ տեսանիւթին հեռացումը կը համարէ Հայկական Սփիւռքին ճնշումներուն արդիւնք՝ եզրակացնելով, որ իր այդ քայլով Սփիւռքը դարձեալ ցոյց կու տայ, թէ որքան ազդեցիկ է Միացեալ Նահանգներու մէջ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top