«ՄԻԵԴի Որոշումը Պէտք Է Դառնայ Ադրբեջանում Հայատեացութիւնն Արմատախիլ Անելու Հիմք». Արցախի ԱԳՆ

0528Saf

0528Saf

ՍՏԵՓԱՆԱԿԵՐՏ, «Արմէնփրէս».- Ատրպէյճանցի սպայ Ռամիլ Սաֆարովի կողմէ հայ սպայ Գուրգէն Մարգարեանի սպանութեան գործով Մարդու իրաւունքներու եւրոպական դատարանի որոշումը կրնայ եւ պէտք է հիմք դառնայ միջազգային հանրութեան աջակցութեամբ գործնական քայլեր իրականացնելու` արմատախիլ ընելու այն բացասական երեւոյթները, որոնք յառաջացած են հասարակութեան գիտակցութեան մէջ հայերու եւ որեւէ հայկական բանի նկատմամբ «ատելութեան ժահր»  ներդրելու նպատակով՝ Ատրպէյճանի իշխանութիւններու բազմամեայ պետական իբրեւ արդիւնք։ Այս մասին կ՛ըսուի Արցախի Հանրապետութեան արտաքին գործոց նախարարութեան մեկնաբանութեան մէջ, զոր կը հրատարակենք ստորեւ.

«2020թ. Մայիսի 26ին Մարդու իրաւունքների եւրոպական դատարանը վճիռ է կայացրել ադրբեջանցի սպայ Ռամիլ Սաֆարովի կողմից 2004թ. հայ սպայ Գուրգէն Մարգարեանի սպանութեան, ինչպէս նաեւ մարդասպանին արտայանձնելու եւ Ադրբեջանում նրան ներում շնորհելու եւ հերոսացնելու վերաբերեալ գործով: Դատարանը վճռեց, որ Ադրբեջանը խախտել է Մարդու իրաւունքների եւրոպական կոնուենցիայի 2րդ (կեանքի իրաւունք) եւ 14րդ (խտրականութեան բացառում) յօդուածները:
«Յատկանշական է, որ գործը քննելու ժամանակ դատարանը նշել է, որ Ադրբեջանի գործողութիւնները` Ռամիլ Սաֆարովին ներում շնորհելը` Ադրբեջան ժամանելուն պէս, հունգարական բանտում անցկացրած ժամանակահատուածի համար աշխատավարձի փոխհատուցումը, բնակարանի տրամադրումը եւ ծառայութեան մէջ առաջխաղացումը ցոյց են տալիս, որ Ադրբեջանը ճանաչում եւ ընդունում է Ռամիլ Սաֆաւորուի յանցանքները որպէս իր սեփականը: Դատարանը նաեւ ընդգծել է, որ այս միջոցներից իւրաքանչիւրը` առանձին եւ ամբողջութեամբ, հանդիսանում են պետութեան տարբեր կառոյցների եւ բարձրաստիճան պաշտօնեաների կողմից Ռամիլ Սաֆարովի գործողութիւնների քաջալերում եւ խրախուսում, եւ որ քաջալերումը ու խրախուսումը ուժեղ արձագանք են ստացել, ընդհանուր առմամբ, ադրբեջանական հասարակութեան զգացմունքների մէջ:
«Ինչպէս բազմիցս ենք յայտարարել, ներում շնորհելը, հերոսացումը եւ որպէս նմանակման օրինակ` մարդասպանի համազգային փառաբանումը ադրբեջանական իշխանութիւնների կողմից տարիներ շարունակ վարուող պետական քաղաքականութեան բաղկացուցիչ տարրերն են` ուղղուած այդ երկրում հայատեացութեան արմատաւորմանը եւ հայերի հանդէպ ատելութեան հենքի վրայ յանցագործութիւնների խրախուսմանը: Անհրաժեշտ ենք համարում եւս մէկ անգամ յիշեցնել, որ Ադրբեջանում հայերի հանդէպ ռասիզմի եւ այլատեացութեան դրսեւորումների առկայութիւնը  բազմաթիւ անգամ մատնանշուել են մի շարք միջազգային կազմակերպութիւնների, մասնաւորապէս` ՄԱԿի ռասսայական խտրականութեան վերացման հարցերով կոմիտէի, Ռասիզմի եւ անհանդուրժողականութեան դէմ պայքարի եւրոպական յանձնաժողովի եւ «Ազգային փոքրամասնութիւնների իրաւունքների պաշտպանութեան մասին» շրջանակային կոնուենցիայի Եւրոպայի խորհրդի Խորհրդատուական կոմիտէի փաստաթղթերում:
«Ոչ միայն Ադրբեջանի իշխանութիւնների, այլեւ ադրբեջանական հասարակութեան մեծամասնութեան կողմից Ռամիլ Սաֆարովի կատարած զազրելի ոճրագործութեան խրախուսումը եւ քաջալերումը այդ երկրում հասարակական գիտակցութեան լուրջ վերափոխման մասին տագնապալի ազդանշան են:
«Ադրբեջանցի սպայ Ռամիլ Սաֆարովի կողմից հայ սպայ Գուրգէն Մարգարեանի սպանութեան գործով ՄԻԵԴի որոշումը կարող է եւ պէտք է հիմք դառնեյ միջազգային հանրութեան աջակցութեամբ գործնական քայլեր իրականացնելու համար` արմատախիլ անելու այն բացասական երեւոյթները, որոնք առաջացել են հասարակութեան գիտակցութեան մէջ հայերի եւ ամէն հայկականի նկատմամբ «ատելութեան վիրուս»  ներդնելու նպատակով Ադրբեջանի իշխանութիւնների բազմամեայ պետական քաղաքականութեան եւ պրակտիկայի հետեւանքով», կ՛ըսուի հաղորդագրութեան մէջ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top