Ոստիկաններու Կողմէ Այլ Մարդասպանութիւն Մը Բողոքի Ալիք Ստեղծեց Մինէափոլիսի Մէջ

0529min

0529min

ՄԻՆԷԱՓՈԼԻՍ, «Պի․Պի․Սի․»․- Հինգշաբթի, յաջորդական երրորդ օրն ըլլալով, բողոքի ցոյցեր եւ խռովութիւններ տեղի ունեցան Մինէափոլիս քաղաքին տարածքին, եւ շարք մը այլ կառոյցներու կողքին հրկիզուեցաւ նաեւ քաղաքին ոստիկանատունը։

Բողոքի ալիքը ծնունդ առած էր քաղաքին չորս ոստիկաններու կողմէ 46ամեայ սեւամորթ կասկածելի Ճորճ Ֆլոյտի վայրագ սպանութեան պատճառով։

Դրամ կեղծելու յանցանքով ամբաստանուող ենթական` ձերբակալուած վիճակին մէջ, ոստիկանի մը կողմէ խեղդամահ եղած էր ։

Ցուցարանները եւ Ֆլոյտի ընտանիքը կը պահանջեն 4 ոստիկաններուն ձերբակալութիւնը եւ դատապարտումը, սակայն ցարդ զանոնք պարզապէս իրենց պաշտօններէն հեռացուած են։

Սպիտակամոթ ոստիկանի մը կողմէ սեւամորթ քաղաքaցիի մը հերթական այս սպանութիւնը դատապարտող ցոյցեր տեղի ունեցան նաեւ Լոս Անճելըսի, Նիւ Եորքի, Շիքակոյի, Տենվըրի, Ֆինիքսի եւ ամերիկեան այլ քաղաքներու մէջ։

Մինչ սեւամորթ ղեկավարներ եւ մարդկային ու քաղաքացիական իրաւանց պաշտպաններ զսպուածութիւն ցուցաբերելու կոչեր կատարեցին, նախագահ Թրամփ կացութիւնը աւելիով հրահրեց՝ յայտարարելով, որ խռովարարներուն արարքներուն դէմ ապահովական մարմինները կրակոցներու պիտի դիմեն։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top