Արեւմտեան Թեմի Բոլոր Եկեղեցիները Հոգեգալստեան Տօնին Պիտի Վերաբանան Իրենց Դռները

0529prlc

0529prlc

ՀԱՆՐԱՊԵՏԱԿԱՆ ՄԱՂԹԱՆՔ ԵՒ ԵՌԱԳՈՅՆ ԴՐՕՇԻ ՕՐՀՆՈՒԹԻՒՆ

 

Կիրակի, 31 Մայիսը Հոգեգալստեան տօնն է, որ յիշատակումն է Վերնատան մէջ առաքեալներուն Ս. Հոգիին շնորհքներուն եւ պարգեւներուն արժանացման։

Ուրախ ենք յայտնելու, որ շաբաթասկիզբին, պետական սպասարկութիւնները յայտարարեցին եկեղեցիներու եւ կրօնական հասատատութիւններու վերաբացումը, սակայն որոշ հարկադրանքներով։

Առ այդ, Կիրակի, 31 Մայիսին, Արեւմտեան թեմի եկեղեցիները պիտի վերաբանան իրենց դռները, մեր հաւատացեալներուն առիթը ընծայելով Ս. պատարագին անձնապէս մասնակցելու։ Նշենք, որ ըստ օրինական ցուցմունքներուն, ներկաներուն թիւը սահմանափակուած է եկեղեցւոյ տարողութեան 25 տոկոսի համեմատութեամբ կամ առաւելագոյնը 100 հոգիով։

Թեմի առաջնորդ Մուշեղ արք. Մարտիրոսեանի տնօրինումով, նոյն օրը, թեմի բոլոր եկեղեցիներուն մէջ Հանրապետական Մաղթանք եւ եռագոյն դրօշի օրհնութիւն պիտի կատարուի Հայաստանի Ա. Հանրապետութեան հիմնադրութեան 102րդ տարեդարձին առթիւ։ Ս. Պատարագին աւարտին, հոգեհանգստեան պաշտօն պիտի կատարուի Սարդարապատի, Ղարաքիլիսէի, Բաշ Ապարանի եւ այլ ճակատամարտներուն ինկած հերոսներուն հոգիներուն խաղաղութեան համար։

Սիրով կը հրաւիրենք մեր հաւատացեալ ժողովուրդը՝ ներկայ գտնուելու հոգեպարար արարողութեան, աղօթք բարձրացնելու մեր անկախ հայրենիքին ու ժողովուրդին ապահովութեան ու բարգաւաճման համար, ինչպէս նաեւ համայն հայ ժողովուրդի անվտանգութեան համար։

 

(Հաղորդագրութիւնը՝ առաջնորդարանէն)

 

 

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top