Մեծի Տանն Կիլիկիոյ Կաթողիկոսութեան Դպրեվանքը Կը Նշէ Իր 90ամեակը

ARAM

ARAM

1930 թուականը յատկանշական թուական է իւրաքանչիւր դպրեվանեցիի համար, որովհետեւ անիկա տարին է բոլորին հոգեհարազատ Դպրեվանքին հիմնադրութեան: Հոգեմտաւոր, հայակերտ ու մշակութապահպան իր նկարագիրով ու առաքելութեամբ՝ Դպրեվանքը 90 տարիներէ ի վեր կը գործէ ի փառս Աստուծոյ եւ ի հզօրացումն ազգիս հայոց:

Այս տարի 90ամեակն է Դպրեվանքին հիմնադրութեան: Սակայն պայմաններու բերումով չկրցանք մեր ժողովուրդի զաւակներուն հետ վայելուչ կերպով նշել զայն:

Նշենք, որ Մեծի Տանն Կիլիկիոյ կաթողիկոսութեան Բերիոյ եւ Հիւսիսային Ամերիկայի Արեւմտեան թեմերէն ներս տարւոյս սկիզբը ժողովրդական հաւաքներով զանազան շրջաններու մէջ տօնախմբուեցաւ Դպրեվանքի 90ամեակը:

Կը յուսանք, որ յառաջիկային պայմանները թոյլատու կ՛ըլլան, որպէսզի այլ թեմերու մէջ եւս նշենք Դպրեվանքի 90ամեակը՝ մեր ժողովուրդի զաւակներուն հետ:

Վստահ ենք, որ իւրաքանչիւր հայ կը գիտակցի, թէ մարդուժի պատրաստութեան մէջ որքա՜ն վճռական դեր ունեցած է Դպրեվանքը Սփիւռքի տարածքին՝ Հայոց Ցեղասպանութենէն ետք յատկապէս:

Դպրեվանքը մարդու պատրաստութեան նո՛յն առաքելութիւնը կը շարունակէ վերանորոգ ոգիով:

 

Դիւան Մեծի Տանն Կիլիկիոյ Կաթողիկոսութեան

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top