Արցախ Օգնութիւն Պիտի Ուղարկէ Քալիֆորնիոյ՝ «Քորոնա» Ժահրի Համաճարակին Դէմ Պայքարին Համար

0630Artsakh

0630Artsakh

ԵՐԵՒԱՆ, «Եռագոյն »․- Ըստ Արցախի Հանրապետութեան Ազգային ժողովի «Արցախի ժողովրդավարական կուսակցութիւն» խմբակցութեան ղեկավար Դաւիթ Մելքումեանի՝ Արցախի մէջ արտադրուած բժշկական նշանակութիւն ունեցող պարագաներ պիտի ուղարկուին Քալիֆորնիա՝ «Քորոնա» ժահրի համաճարակին դէմ պայքարելու համար:

«Կը տեղեկացնեմ, որ պետական համապատասխան կառոյցներու ղեկավարներուն՝ խորհրդարանի նախագահին, պետական նախարարին եւ արտաքին գործոց  նախարարին հետ կառուցողական քննարկումներու իբրեւ արդիւնք՝ եկանք համաձայնութեան Արցախի ժողովուրդին անունով Արցախի մէջ արտադրուած բժշկական նշանակութիւն ունեցող պարագաներ ուղարկել Քալիֆորնիա նահանգ՝ օգնելու Ամերիկայի բարեկամ ժողովուրդին եւ մեր հայրենակիցներուն «Քորոնա» ժահրի համաճարակին դէմ պայքարին մէջ», գրած է պատգամաւորը:

Մելքումեան կը յայտնէ, որ օգնութիւնը կը կրէ խորհրդանշական բնոյթ, բայց անով՝ Արցախի Հանրապետութիւնը, իր կարողութեան սահմաններուն մէջ կը միանայ համաճարակին դէմ համաշխարհային պայքարին։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top