Հայաստանի Եւ Ատրպէյճանի Արտաքին Գործոց Նախարարներու Առցանց Հանդիպում

0701meeting

0701meeting

ԵՐԵՒԱՆ, «Արմէնփրէս».- 30 Յունիսին տեղի ունեցաւ Հայաստանի եւ Ատրպէյճանի արտաքին գործոց  նախարարներ Զօհրապ Մնացականեանի եւ Էլմար Մամետեարովի առցանց հանդիպումը ԵԱՀԿի Մինսկի խմբակի համանախագահներ Իկոր Փոփովի (Ռուսիա), Սթեֆան Վիսքոնթիի (Ֆրանսա), Էնտրիւ Շոֆըրի (Միացեալ Նահանգներ), ինչպէս նաեւ ԵԱՀԿի գործող նախագահի անձնական ներկայացուցիչ Անճէյ Քասփըրչիքի միջնորդութեամբ եւ մասնակցութեամբ։

Առցանց հանդիպումին ընթացքին անդրադարձ կատարուեցաւ  համաճարակային պայմաններուն մէջ խաղաղ գործընթացի շուրջ ստեղծուած իրավիճակին:

Հայաստանի արտաքին գործոց նախարարը ընդգծեց Ատրպէյճանի կողմէ հնչող՝ ռազմատենչ եւ ապակառուցողական յայտարարութիւններու անթոյլատրելիութիւնը՝ նշելով, որ անոնք վնաս կը հասցնեն խաղաղ գործընթացի միջավայրին եւ կը խոչընդոտեն ժողովուրդները խաղաղութեան նախապատրաստելու յանձնառութեան իրականացման:

Նոյն ժամանակ, նախարար Մնացականեան կարեւոր նկատեց Արցախի ժողովուրդի համապարփակ անվտանգութեան շարունակական ապահովման անհրաժեշտութիւնը, այդ կարգին՝ ազատ եւ անվտանգ տեղաշարժի միջոցով:

Հանդիպման ընթացքին քննարկուեցան դէմ առ դէմ հանդիպումներու եւ համանախագահներու շրջան այցելութեան կարելիութիւնները, որոնք կախեալ են համաճարակային իրավիճակի զարգացումներէն: Նոյն ատեն ընդգծուեցաւ յառաջիկայ ամիս հեռավար կապով շփումները շարունակելու պատրաստակամութիւնը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top