Մինսկի Խմբակի Համանախագահները Հաստատեցին, Որ Արցախի Տագնապը Ռազմական Լուծում Չունի

0701MINSK

0701MINSK

ԵՐԵՒԱՆ, «Արմէնփրէս».- Լեռնային Արցախի հակամարտութիւնը ռազմական լուծում չունի։ Ըստ «Արմէնփրէս»ի՝ այս մասին ըսուած է ԵԱՀԿի կայքին վրայ տարածուած հաղորդագրութեան մէջ, որ կը վերաբերի Հայաստանի եւ Ատրպէյճանի արտաքին գործոց նախարարներուն հետ տեղի ունեցած առցանց հանդիպումին:

«Համանախագահները կ՛ընդգծեն խաղաղութեան նպաստող եւ առարկայական բանակցութիւններու համար բարենպաստ մթնոլորտի խթանման ու պահպանման կարեւորութիւնը: Անոնք դրական կը գնահատեն յարաբերական կայունութիւնը եւ գոհունակութիւն կը յայտնեն, որ կողմերը կը շարունակեն օգտագործել հաղորդակցութեան անմիջական կապերը՝ մագլցողականութենէ խուսափելու համար:  Սակայնմ յիշեցնելով 9 Մարտ 2019ի իրենց յայտարարութիւնը՝ համանախագահները մտահոգութեամբ կը նշեն, որ վերջին սադրիչ յայտարարութիւնները, բորբոքող հռետորաբանութիւնը եւ հաւանական քայլերը, որոնք նպատակ ունին փոխել իրավիճակը՝ կրնան խափանել եւ խանգարել տագնապի լուծման գործընթացը:

«Համանախագահները կը շեշտեն, որ տագնապը ռազմական լուծում չունի: Անոնք կոչ ուղղեցին կողմերուն՝ յաւելեալ քայլերու ձեռնարկելու զինադադարի ամրապնդման եւ բնակչութիւնը խաղաղութեան նախապատրաստելու համար: Համանախագահնեը նաեւ կ՛ընդգեն ԵԱՀԿի գործող նախագահի անձնական ներկայացուցիչին հովանիին տակ դիտարկումի գործողութիւններուն վերսկսելու անհրաժեշտութիւնը՝ որքան կարելի է շուտ, երբ որ պայմանները նպաստաւոր ըլլան:

«Համանախագահները եւ արտաքին գործոց նախարարները համաձայեցան միացեալ առցանց հանդիպում մը եւս ունենալ Յուլիսին եւ անձնապէս հանդիպիլ՝ որքան կարելի է շուտ», կ՛ըսուի վերոնշեալ հաղորդագրութեան մէջ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top