Սուրիոյ Հարցին Շուրջ Փութին-Էրտողան-Ռոհանի Տեսաժողով

0702putin_erdogan_rouhani

0702putin_erdogan_rouhani

Երէկ տեղի ունեցաւ Ռուսիոյ, Թուրքիոյ եւ Իրանի նախագահներուն միջեւ Սուրիոյ հարցին շուրջ տեսաժողովը, որուն ընթացքին Իրանի նախագահ Հասան Ռոհանի շեշտեց «առանց որեւէ օտար միջամտութեան» միջսուրիական երկխօսութիւնը շարունակելու կարեւորութիւնը:

«Ամերիկեան վարչակարգը «Սիզըր» պատժամիջոցները օրէնքի խորագիրին տակ միակողմանի արգելք կը հաստատէ Սուրիոյ վրայ», ըսաւ Ռոհանի` աւելցնելով․ «Կը վերահաստատենք Սուրիոյ մէջ բոլոր ահաբեկչական խմբաւորումներուն դէմ պայքարելու մեր վճռակամութիւնը»։

«Սուրիոյ մէջ տակաւին գոյութիւն ունեցող ահաբեկչական խմբաւորումներն են, որոնք կը սպառնան սուրիական կառավարութեան գերիշխանութեան եւ վարչակարգին», յայտնեց Ռուսիոյ նախագահ Վլատիմիր Փութին: Ան շեշտեց, որ անհրաժեշտ է յարգել զինադադարը լարուածութեան մեղմացման գօտիներուն մէջ:

«Սուրիացի ժողովուրդին դէմ հաստատուող պատժամիջոցները միայն անոր վրայ յաւելեալ ճնշումի պիտի առաջնորդեն», ըսաւ ան։

Թուրքիոյ նախագահ Ռեչեփ Թայիփ Էրտողան մաղթեց, որ «կայունութիւնը կարելի եղածին չափ շուտ  վերականգնի մեր դրացի Սուրիոյ մէջ»։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top