Ջաւախքի 13 Հայկական Գիւղերու Բնակիչները Կը Բողոքեն

0710javakjk

0710javakjk

 

ԵՐԵՒԱՆ, «Եռագոյն»․- Այսօր, Սամցխէ-Ջաւախեթիի նահանագապետարանին մօտ բողոքեցին շրջանի 13 հայկական գիւղերու բնակիչները։ Անոնք կը բողոքեն, որովհետեւ Մառնեուլիէն եկած ատրպէյճանցիներու եւ թուշերու եղջերաւոր անասունները ոչնչացուցած են գիւղերու արօտավայրերը եւ վնասած երեք գիւղերու խմելու ջուրի համակարգերը։

Բնակիչները նախապէս եւս կատարած էին բողոքի ցոյց, որմէ ետք շրջանի ղեկավարութիւնը վստահեցուցած էր, որ յաջորդ տարիներուն անոնք այլեւս պիտի չգան։

Այսօրուան ցոյցը կը յաջորդէ օրեր առաջ Ախալցխայի Չեչերեկ գիւղի տարածքէն 70 կովերու անհետացման դէպքին։ «Կը կասկածինք, որ գիւղին կովերը գողցուած են իրենց արօտավայրերուն մէջ հաստատուած թուշերու օգնութեամբ», Armradio-ին յայտնեցին բնակիչները ։

Ախալցխայի քաղաքապետ Զազա Մելիքիձէ հանդիպեցաւ ցուցարարներուն հետ՝ վստահեցնելով, որ հարցը քաղաքապետարանի օրակարգին վրայ է, անիկա պիտի քննարկուի, սակայն բնակիչները շարունակեցին ցոյցը։

Նշենք, որ հայաբնակ գիւղերուն պատկանող այդ տարածքներուն բնակիչներէն շատերը, որոնք «Քորոնա» ժահրի համաճարակին պատճառով չէին կրցած մեկնիլ արտագնայ աշխատանքի, որոշած էին այս տարի խոտհարքի վերածել եւ այնտեղ աշխատիլ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top