Քոնկրեսի Հայկական Համախմբումը Հայոց Ցեղասպանութեան Ուրացման Վերջ Տալու Կոչ Կ՛ընէ Քոնկրեսի Գրադարանին

0731ArmenianCaucus_LOC1

0731ArmenianCaucus_LOC1

ՈՒԱՇԻՆԿԹԸՆ․- Ամերիկայի Հայ Դատի յանձնախումբը կը տեղեկացնէ, թէ Միացեալ Նահանգներու Քոնկրեսի գրադարանի ղեկավարութեան յղուած նամակով մը, Քոնկրեսի Հայկական համախմբումի ղեկավարութները՝ Էտըմ Շիֆ, Կաս Պիլիրաքիս, Ճեքի Սփիր եւ Ֆրենք Փալոն, 30 Յուլիսին կոչ ըրին  Քոնկրեսի գրադարանին, որ վերջ դնէ Հայոց Ցեղասպանութեան՝ իբրեւ «Հայկական ջարդեր» անդրադառնալու անընդունելի կեցուածքին, որ կը շարունակուի հակառակ այն իրողութեան, որ Քոնկրեսին երկու տուները՝ Ներկայացուցիչներու տունը եւ Ծերակոյտը, անցեալ տարի յստակօրէն ճանչցան Հայոց Ցեղասպանութիւնը՝ ընդունելով յաջորդաբար թիւ 296 եւ 150 բանաձեւերը։

Ինչպէս նախապէս հաղորդած էինք, Միացեալ Նահանգներու Քոնկրեսի գրադարանը անցեալ ամիս տեղեկացուցած էր Ամերիկայի Հայ Դատի յանձնախումբին, թէ պիտի շարունակէ Հայոց Ցեղասպանութեան անդրադառնալ՝ պնդելով, որ այս հարցին մէջ կը հետեւի Միացեալ Նահանգներու նախագահին եւ արտաքին գործոց նախարարութեան օրինակին, հակառակ անոր որ, ինչպէս կառոյցին անունը կը թելադրէ, գրադարանը Քոնկրեսին հովանիին տակ կը գտնուի։

Հայկական համախմբումի ղեկավարութիւնը «անընդունելի եւ անարդարանալի» կը գտնէ Քոնկրեսի գրադարանին ղեկավարութեան այս բացատրութիւնը։

Ամերիկայի Հայ Դատի յանձնախումբի գործադիր վարիչ Արամ Համբարեան ողջունեց քոնկրեսականներուն այս քայլը։

Հայ Դատը կոչ կ՛ընէ ամերիկահայութեան, որ այս սխալը սրբագրելու նպատակով սկսած իր նամակագրութեան արշաւին մասնակցի՝ այցելելով www.anca.org/library կայքէջը։

Քոնկրեսականներուն նամակը կարելի է կարդալ http://asbarez.com/195810 կայքէջին վրայ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top