Հայաստանի Պատուիրակութեան Ղեկավարը Ատրպէյճանի Յարձակումները Ներկայացնող Նամակներ Յղեց ԵԱՀԿի ԽՎ Ղեկավարութեան

0801Hayg

0801Hayg

ԵՐԵՒԱՆ, «Արմէնփրէս».- Հայաստանի Ազգային ժողովի «Իմ Քայլը» խմբակցութեան պատգամաւոր, ԵԱՀԿ Խորհրդարանական վեհաժողովի հայաստանեան պատուիրակութեան ղեկավար Հայկ Կոնջորեան 31 Յուլիսին նամակներով դիմած է ԵԱՀԿ Խորհրդարանական վեհաժողովի նախագահ Կէորկի Ծերեթելիին, ընդհանուր քարտուղար Ռոպերթօ Մոնթելլային, ղեկավար կազմի միւս անդամներուն եւ 55 պատուիրակութիւններու անդամ պատգամաւորներուն:

Նամակներով փաստացի ապացոյցներ ներկայացուած են 12 Յուլիսէն Ատրպէյճանի նախաձեռնած ռազմական յարձակումներուն նախորդած յայտարարութիւններուն վերաբերեալ` ցոյց տալով Ատրպէյճանի իրական մտադրութիւնները եւ ծրագիրները: Նշուած է նաեւ, որ 27 Յուլիսին ատրպէյճանցի արձակազէնի կրակոցէն զոհուած է Հայաստանի զինուած ուժերուն մէջ ծառայող Աշոտ Միքայէլեան, ինչ որ անգամ մը եւս կը վկայէ Ատրպէյճանի յարձակողական եւ ապակառուցողական գործողութիւններուն մասին:

ԵԱՀԿ ԽՎ պաշտօնակիցներուն ուշադրութիւնը հրաւիրած է նաեւ Նախիջեւանի մէջ Թուրքիոյ եւ Ատրպէյճանի կողմէ կատարուող զօրավարժութիւններուն եւ Թուրքիոյ` տարածաշրջանը ապակայունացնելու վերաբերող գործողութիւններուն եւ յայտարարութիւններուն վրայ:

«Բացի պաշտօնական նամակագրութիւնից, պարբերաբար տեղի են ունենում նաեւ հեռախօսազրոյցներ մեր միջազգային գործընկերների հետ` ներկայացնելու տարածաշրջանում ընթացող գործընթացները` կոչ անելով դատապարտել Ադրբեջանի եւ Թուրքիայի ագրեսիւ եւ ապակայունացնող գործողութիւնները», նշուեցաւ հաղորդագրութեան մէջ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top