Կեդրոնական Կոմիտէէն  Պատուիրակութիւն Մը Հանդիպում Ունեցաւ Գլխաւոր Հիւպատոս Դեսպան Արմէն Բայբուրդեանի Հետ

IMG_2696

IMG_2696

ԿԼԵՆՏԷՅԼ.- Հինգշաբթի, 30 Յուլիսին, ՀՅԴ Արեւմտեան Ամերիկայի Կեդրոնական կոմիտէէն  պատուիրակութիւն մը հանդիպում ունեցաւ Լոս Անճելըսի մօտ Հայաստանի Հանրապետութեան գլխաւոր հիւպատոս դեսպան Արմէն Բայբուրդեանի հետ:

Պատուիրակութեան մաս կը կազմէին Կեդրոնական կոմիտէի ատենապետ տոքթ. Քարմէն Օհանեան, ներկայացուցիչ Աւետիք Իզմիրլեան եւ կազմի անդամ իրաւաբան Լեւոն Կիրակոսեան:

Շուրջ երկու ժամ տեւած հանդիպումին ընթացքին մասնակցողները անդրադարձան 12 Յուլիսին, Հայաստանի սահմանային Տաւուշ շրջանին վրայ Ատրպէյճանի սանձազերծած յարձակումին եւ անոր յաջորդած ատրպէյճանական հակահայ յարձակումներուն եւ արարքներուն՝ սփիւռքեան զանազան համայնքներու դէմ: Հակահայ այս արարքներուն լոյսին տակ արծարծուեցան նաեւ Միացեալ Նահանգներու Արեւմտեան շրջանի հայ համայնքին ապահովութեան վերաբերող հարցեր:

Որոշուեցաւ նման հանդիպումներ ունենալ նաեւ ապագային՝ քննելու համար համայնքին վերաբերող հարցեր:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top