Վարակակիրներուն Թիւը 18 Միլիոնի Սահմանը Անցաւ

0803corona

0803corona

ՈՒԱՇԻՆԿԹԸՆ․- Աշխարհի տարածքին «Քորոնա» Ժահրով վարակուածներուն թիւը անցաւ 18 միլիոնի սահմանը, իսկ մահերուն թիւը կը մօտենայ 700,000ի։ Ապաքինած են 11,5 միլիոն վարակուածներ:

Մինչ վարակին տարածումը կը շարունակէ տնտեսութիւնը գերի պահել, Սպիտակ տունը եւ Քոնկրեսը ցարդ չեն կրցած համաձայնիլ համաճարակին պատճառով անգործ դարձած տասնեակ միլիոնաւոր ամերիկացիներուն պետական օգնութիւն յատկացնելու բանաձեւի մը շուրջ։

Միւս կողմէ, Լոս Անճելըս գաւառի իշխանութիւնները 2 Օգոստոսի յետմիջօրէին հաղորդուեցին, որ նախորդող 24 ժամերուն ընթացքին գաւառին մէջ վարակուած 23 քաղաքացիներ մահան եւ արձանագրուած են 1476 նոր վարակումներ: Ցարդ Լոս Անճելըս գաւառին տարածքին արձանագրուած են 192,167 վարակումներ եւ 4692 մահեր: Վերջերս վարակուածներուն 68 տոկոսը 50 տարիքը չբոլորածներն են։ Հիւանդանոցներու մէջ կը դարմանուին 1856 վարակակիրներ։

Քալիֆորնիոյ տարածքին արձանագրուած են մօտաւորապէս 515,000 վարակումներ եւ 9400 մահեր:

Մօտաւորապէս 4․8 միլիոն վարակակիրներով եւ 158,000 մահերով աշխարհի առաջինը հանդիսացող Միացեալ Նահագներուն կը յաջորդեն՝ Պրազիլ, Հնդկաստան եւ Ռուսիա, ուր կան յաջորդաբար 2.7 միլիոն, 1․8 միլիոն եւ 856,000 վարակուածներ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top