Հայ Դատը Դատապարտեց Գանատայի Մէջ Ատրպէյճանական Հակահայ Բռնարարքները

0803Canada

0803Canada

Գանատայի Հայ Դատի յանձնախումբը յատուկ հաղորդագրութեամբ մը կը տեղեկացնէ, որ 1 Օգոստոսի երեկոյեան ժամը 10:30ին, խումբ մը ատրպէյճանցիներ դիմեցին սադրանքի եւ յարձակեցան խումբ մը հայ երիտասարդներու վրայ։

Յանձնախումբը խստօրէն դատապարտելով ատրպէյճանական այս հակահայ քայլը՝ զգօնութեան կոչ ուղղեց Թորոնթոյի ոստիկանութեան, որպէսզի յանցագործները ենթարկեն իրաւական հետապնդումի եւ երաշխաւորեն հայ համայնքին ապահովութիւնը։

Յանձնախումբը նոյն ատեն կոչ ուղղեց Թորոնթոյի հայ համայնքին, որ չ՚ենթարկուին սադրանքներու եւ գրգռութեան արարքներու։

Հաղորդագրութիւնը կը նշէ, որ 12 Յուլիսին, Հայաստանի վրայ Ատրպէյճանի յարձկումէն ի վեր, աշխարհի զանազան երկիներու մէջ ատրպէյճանցիներ թուրքերու աջակցութեամբ՝ կը փորձեն սադրանքներ հրահրել հայերու դէմ։ Հաղորդագրութիւնը կ՛ըսէ, որ վիրաւորական եւ անարգական է ապատեղեկատուութիւն տարածելու ատրպէյճանական համայնքին վարքագիծը, որուն միւոցաւ փորձ կը կատարուի գանատահայերը նախայարձակ կողմ ներկայացնելու։

Իր կարգին, Գանատայի մէջ Հայաստանի դեսպանատունը տարածեց հաղորդագրութիւն մը, որուն մէջ կ՛ըսուի հետեւեալը. «1 Օգոստոսին, Թորոնթոյի մէջ տեղի ունեցաւ միջադէպ մը հայերու եւ ատրպէյճանցիներու միջեւ: Դեսպանութիւնը խստորէն կը դատապարտէ ատրպէյճանական կողմին որդեգրած ՝ սադրանքներ իրականացնելու եւ միջադէպեր հրահրելու քաղաքականութիւնը»: Դեսպանութիւնը դարձեալ կոչ կ՛ընէ՝ զգօնութիւն ցուցաբերելու եւ չտրուելու որեւէ սադրանքի:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top