Ոստիկանական Որեւէ Հետապնդում Չկայ Պոլսոյ Մէջ Հայերուն Վրայ Յարձակումներուն Գծով. «Ակօս»ի Խմբագիր

0803bolis azeri

0803bolis azeri

 

ԵՐԵՒԱՆ, «Արմէնփրէս»․- Պոլսոյ մէջ, քանի մը օր առաջ հայեր ատրպէյճանցիներու կողմէ յարձակման թիրախ դառնալու գործին վերաբերեալ իրաւական զարգացումներ չկան, կը տեղեկացնէ «Ակօս» թերթի հայերէն բաժինի խմբագիր Բագրատ Էսդուգեան: «Ոստիկանական որեւէ հետապնդում, որեւէ հարցաքննութիւն չէ եղած: Խնդիրը ոստիկանութիւն չէ հասած», կ՛ըսէ Էսդուգեան:

«Ճիշդը ըսելու համար՝ չեմ յիշեր, որ նախկինին նման դէպքեր եղած ըլլան: Իրավիճակը բնականաբար մտահոգիչ է: Հոս ապրող հայերու շրջանակին մէջ զգուշաւորութիւն կայ: Մարդիկ իրարու հետ կապի մէջ են, իրարու արագ կը տեղեկացնեն զարգացումներու մասին: Խորհուրդ կը տրուի տունէն առանձին դուրս չելլել», յայտնեց ան:

Էսդուգեան նաեւ ըսաւ, որ պարագան նոյն է նաեւ Հայաստանէն եկած հայերուն մօտ։

Դէպքերուն վերաբերեալ գրառում կատարած էր նաեւ Թուրքիոյ խորհրդարանի հայ երեսփոխան Կարօ Փայլան. դիմելով ներքին գործոց նախարարութեան՝ ան ըսած էր․ «Պէտք է շտապ քայլերու ձեռնարկել Թուրքիա ապրող հայերու վրայ յարձակման ու գրգռիչ գործողութիւններուն դէմ: Այդ յարձակումներուն ետին կանգնած մութ ձեռքերը պէտք է բացայայտուին»։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top