Լոս Անճելըս Գաւառի Վարակակիրներուն Թիւը 200,000ի Սահմանը Անցաւ, Իսկ Քալիֆորնիոյ Զոհերունը՝ 10,000ի

0807corona

0807corona

ԼՈՍ ԱՆՃԵԼԸՍ.- «Քորոնա» ժահրի համաճարակին մասին իրենց օրական մամլոյ ասուլիսին ընթացքին, Լոս Անճելըս գաւառի առողջապահութեան մարզի պաշտօնատարները 7 Օգոստոսի յետմիջօրէին հաղորդեցին, որ գաւառին վարակակիրներուն թիւը 200,000ի սահմանը անցաւ՝ հասնելով 201,106ի։ Մահացած են անոնցմէ 4869ը։

Նաեւ, նախորդող 24 ժամերուն ընթացքին, գաւառին մէջ վարակուած 48 քաղաքացիներ մահացած են եւ արձանագրուած են 3290 նոր վարակումներ:

Քալիֆորնիոյ տարածքին արձանագրուած են մօտաւորապէս 541,000 վարակումներ եւ 10,028 մահեր:

Մօտաւորապէս 5 միլիոն վարակակիրներով եւ 162,000 մահերով աշխարհի առաջինը հանդիսացող Միացեալ Նահագներուն կը յաջորդեն՝ Պրազիլ, Հնդկաստան եւ Ռուսիա, ուր կան յաջորդաբար 2.9 միլիոն, 2․05 միլիոն եւ 877,000 վարակուածներ:

Աշխարհի տարածքին վարակուածներուն թիւը հասաւ 19․3 միլիոնի, իսկ մահերուն թիւը՝ 719,000ի: Ապաքինած են 12.4 միլիոն վարակուածներ:

Վերջապէս, ուսումնասիրութիւն մը հասած է այն եզրակացութեան, որ եթէ կացութիւնը այսպէս շարունակուի, մինչեւ 1 Դեկտեմբեր, Միացեալ Նահագներու մէջ զոհերուն թիւը կրնայ 300,000ի հասնիլ, սակայն այդ թիւր կարելի է 70,000ով կրճատել, եթէ երկրին բնակչութիւնը դիմակ կրէ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top