Հայաստանի Նախագահը Լիբանանի Իրավիճակը Եւ Լիբանանահայութեան Հարցերը Քննարկեց ՀՅԴ Բիւրոյի Ներկայացուցիչին Հետ

0807ARmen Hagop

0807ARmen Hagop

6 Օգոստոսին, Հայաստանի Հանրապետութեան նախագահ Արմէն Սարգսեան Պէյրութի նաւահանգիստին մէջ պատահած պայթումին հետեւանքով ստեղծուած իրավիճակը եւ լիբանանահայութեան հարցերը քննարեց Հայ Յեղափոխական Դաշնակցութեան Բիւրոյի ներկայացուցիչ Յակոբ Տէր Խաչատուրեանի հետ։

Հեռաձայնային զրոյցին ընթացքին նախագահը եւ ՀՅԴ Բիւրոյի ներկայացուցիչը անդրադարձան պայթումին իբրեւ արդիւնք ստեղծուած իրավիճակին եւ լիբանանահայութեան կրած վնասներուն։ Անոնք նաեւ կարծիքներ փոխանակեցին Հայաստանի կողմէ լիբանանահայ համայնքին համար նախատեսուող օգնութեան վերաբերեալ։

Զրուցակիցները կարեւոր համարեցին լիբանանահայութեան անմիջական օժանդակութիւն հասցնելու անհրաժեշտութիւնը եւ խօսեցան այն հիմնական կարիքներուն մասին, որոնց դէմ-հանդիման կանգնած է այսօր լիբանանահայ համայնքը։

ՀՅԴ Բիւրոյի ներկայացուցիչը շնորհակալութիւն յայտնեց նախագահին, որ Լիբանանին պատուհասած աղէտի այս բարդ պայմաններուն եւ դժուարին օրերուն, Հայաստան օգնութեան ձեռք կը մեկնէ Լիբանանի իր հայրենակիցներուն։

Նշենք, որ նախագահ Սարգսեան Արամ Ա. կաթողիկոսին յղեց նամակ մը, որուն մէջ կ՛ըսէ․ «Պէյրութը առաջին անգամը չէ, որ կը գտնուի արտակարգ իրավիճակի մէջ․ պիտի յաղթահարուի նաեւ այս փորձութիւնը: Հայ ազգային կառոյցներու համախմբումը եւ միակամ գործողութիւնները նոյնպես զօրեղ աջակցութիւն պիտի ըլլան մարդկային ու պետական այս ճգնաժամը յաղթահարելու համար»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top