Թուրքիա Անհանգստացած Է Սեւրի Դաշնագիրի Գծով Հայաստանէն Հնչած Յայտարարութիւններով

0811trk sevres

0811trk sevres

ԵՐԵՒԱՆ, «Էրմենիհապեր»․- Թուրքիա անհանգստացած է Սեւրի դաշնագիրին 100ամեակին առիթով Երեւանի մէջ տեղի ունեցած ձեռնարկներէն, ինչպէս նաեւ Հայաստանի վարչապետին եւ այլ  բարձրաստիճան պաշտօնատարներու կողմէն այս գծով հնչած յայտարարութիւններէն։

Թուրքիոյ արտաքին գործոց նախարարութիւնը անուղղակիօրէն սպառնացաւ՝ յայտարարելով ․ «Ժամանակը եկած է, որ Հայաստանի պետական մարմինները յարձակողական ազգայնական քաղաքականութենէն հրաժարին եւ խելքերնին գլուխնին հաւաքեն»։

Յայտարարութեան մէջ կը նշուի, որ Սեւրի պայմանագիրին նպատակն էր մասնատել Թուրքիան եւ վերջ դնել անոր անկախութեան եւ ինքնիշխանութեան, սակայն թուրք ազգը «պատռեց եւ պատմութեան աղբամանը նետեց զայն»։

Անգարա Հայաստանը մեղադրեց թշնամանք սերմանելու եւ «ստոր նպատակներ ունենալու» յանցանքով։

Անդրադարձ կայ նաեւ Արցախի հիմնահարցին եւ այդ գծով Հայաստան կը մեղադրուի «Ատրպէյճանի տարածքները բռնագրաւելու եւ տարածաշրջանին մէջ խաղաղութեան ու կայունութեան հաստատման առջեւ միակ խոչընդոտը ըլլալու» յանցանքով։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top