Հաղորդագրութիւն Լիբանանահայութեան Վերականգնումի Մարմինի

0814LARC

0814LARC

Չորեքշաբթի, 12 Օգոստոսին, նախագահութեամբ Լիբանանի Հայոց թեմի առաջնորդ Շահէ արք. Փանոսեանի՝ «Լիբանանահայութեան վերականգնումի մարմին»ը Ազգային առաջնորդարանին մէջ գումարեց իր երկրորդ նիստը, որուն ընթացքին ճշդեց յառաջիկայ փուլի աշխատանքներուն բնոյթը եւ ընթացքը:

Ներկայացուցչական հանգամանքով, նշեալ մարմինի աշխատանքներուն կը մասնակցին.

Հայ Առաքելական համայնքէն՝ Գառնիկ Մկրտիչեան

Հայ Կաթողիկէ համայնքէն՝ Արամ Գարատաղլեան

Հայ Աւետարանական համայնքէն՝ Ներսէս Պաղտոյեան

Հայ Յեղափոխական Դաշնակցութենէն՝ Յակոբ Հաւաթեան

Սոցեալ Դեմոկրատ Հնչակեան կուսակցութենէն՝ Վանիկ Տաքեսեան

Ռամկավար Ազատական կուսակցութենէն՝ Վազգէն Ժամկոչեան

Հայ Բարեգործական Ընդհանուր Միութենէն՝ Սիլվա Լիպարեան

Լիբանանահայ Օգնութեան Խաչէն՝ Նազելի Աւագեան

Հայկական Կրթական Բարեսիրական միութենէն՝ Արամ Մալեան

Ժողովական կարգով, մարմինը շեշտեց, որ Արամ Ա. վեհափառ հայրապետին ճշդած առաջնահերթութեան կարգով, լիբանանահայութեան վերականգնումի աշխատանքներուն մէջ նախապատուութիւն պիտի տրուի Պէյրութի նաւահանգիստի պայթումին պատճառով աւերակուած բնակարաններու, խանութներու եւ կառոյցներու վերականգնումին, որ պիտի իրականացուի մասնագէտներու հսկողութեամբ: Մարմինը նաեւ պիտի հսկէ, որ լիբանանահայութեան համար եղած նպաստները իր խողովակով ստանձնուին եւ հաւասարապէս բաժնուին մեր ժողովուրդի կարիքաւոր զաւակներուն:

Այս առիթով ճշդուեցաւ, որ Ազգային առաջնորդարանին կողմէ նախկին Սրբոց Քառասնից Մանկանց վարժարանի շէնքին մէջ մարմինի աշխատանքներուն համար յատկացուած է մասնաւոր գրասենեակ եւ տրամադրուած 76-401700 թիւով բջիջային հեռաձայն:

Մարմինի ե-նամակի հասցէն է leb.arm.rehabilitation@gmail.com, իսկ Ֆէյսպուքի էջը` www.facebook.com/LebArmRehCom:

Յայտնենք, որ մարմինը իր անդրանիկ նիստին դիւանը կազմելով, ատենապետ ընտրած է Գառնիկ Մկրտիչեանը, ատենադպիր` Նազելի Աւագեանը, իսկ հաշուապահ՝ Արամ Մալեանը:

 

ԼԻԲԱՆԱՆԱՀԱՅՈՒԹԵԱՆ ՎԵՐԱԿԱՆԳՆՈՒՄԻ ՄԱՐՄԻՆ

13 Օգոստոս 2020

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top