Ֆրանսա Պիտի Ամրապնդէ Միջերկրականի Մէջ Իր Զինուորական Ներկայութիւնը

0814France

0814FranceՓԱՐԻԶ, «Ա․Էֆ․Փէ․»․- Ֆրանսայի նախագահ Էմանուէլ Մաքրոն յայտնեց, որ իր երկիրը, գործակցաբար եւրոպացի գործընկերներու՝ ժամանակաւորապէս պիտի աւելցնէ Միջերկրական ծովուն մէջ իր ներկայութիւնը:

Մաքրոնի եւ Յունաստանի վարչապետ Քիրիաքոս Միցոթաքիսի հետ հեռաձայնային զրոյցէ մը ետք հրապարակուած հաղորդագրութեան մը մէջ կը նշուի, որ այդ յաւելման նպատակը ցոյց տալն է, թէ միջազգային օրէնքը պէտք է յարգուի:

«Թուրքիան պէտք է վերջ տայ արեւելեան Միջերկրականի շրջանին մէջ միակողմանի պեղման աշխատանքներուն», շեշտեց Ֆրանսայի նախագահը:

Թուրքիոյ արտաքին գործոց նախարար Մեւլութ Չաւուշօղլու նոյն օրը յայտարարեց, թէ Թուրքիոյ կառավարութիւնը Կիպրոսի եւ Արեւելեան Միջերկրականի  ծանծաղուտներուն մէջ երկրաբանական հետախուզութեան հարցին մէջ «զիջում պիտի չկատարէ»:

Մինչ այդ, ֆրանսական բանակը յայտարարեց, թէ «Ռաֆալ» տեսակի երկու պատերազմական օդանաւեր եւ «Լաֆայեթ» յածանաւը պիտի ուղարկէ արեւելեան Միջերկրական:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top