Արաբական Միացեալ Էմիրութիւնները եւ Իսրայէլը Խաղաղութեան Համաձայնութիւն Գոյացուցին

0814UAE

0814UAE

ԹԵԼ ԱՒԻՒ, «Ռոյթըրզ»․- Միացեալ Նահանգներու նախագահ Տանըլտ Թրամփ «Թուիթըր»ով տեղեկացուց, որ խաղաղութեան համաձայնութիւն գոյացած է «մեր երկու հոյակապ բարեկամներուն` Արաբական Միացեալ Էմիրութիւններուն եւ Իսրայէլի միջեւ»՝ պնդելով, որ անիկա պիտի նպաստէ Միջին Արեւելքի բարգաւաճման։

«Երկու երկիրներուն միջեւ խաղաղութեան համաձայնութիւն գոյացած է Թրամփի, Իսրայէլի վարչապետ Պենիամին Նեթանիահուի եւ Ապու Տապիի գահաժառանգ Մուհամմատ պըն Զայետի միջեւ հեռաձայնային հաղորդակցութեան մը ընթացքին: Համաձայնութիւնը կ՛երաշխաւորէ դիւանագիտական յարաբերութիւններուն դիմաց Արեւմտեան Ափէն բաժիններ կցելու որոշումին սառեցումը», աւելի ուշ հաղորդեց Սպիտակ տունը։

Եգիպտոսի նախագահ Ապտել Ֆաթթահ Սիսի դրուատեց «մեր շրջանին մէջ բարգաւաճման եւ կայունութեան իրականացման համար այս համաձայնութեան» գոյացման ջանքերը, իսկ ՄԱԿի ընդհանուր քարտուղար Անթոնիօ Կիւթիերեշ ողջունեց համաձայնութիւնը:

Սակայն, Պաղեստինեան իշխանութեան նախագահութիւնը յայտարարեց, որ Իսրայէլի եւ Արաբական Միացեալ Էմիրութիւններու միջեւ յարաբերութիւններու բնականոնացումը դաւաճանութիւն է պաղեստինեան դատին նկատմամբ, իսկ Անգարա քննադատեց զայն՝ ըսելով, որ Արաբական Միացեալ Էմիրութիւններու հետ յարաբերութիւնները կրնան վերատեսութեան ենթարկուիլ, մինչ Իրան պարզապէս «ռազմագիտական ապուշութիւն» որակեց զայն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top