ՄԱԿի Ներկայացուցիչը Սուրիոյ Մէջ Թուրքիոյ Արարքները Պատերազմական Ոճիր Կը Համարէ

0916UN trk

0916UN trk

 

 

ԵՐԵՒԱՆ, «Էրմենիհապեր», «Մեզոփոթամիա»․- Սուրիոյ հարցով ՄԱԿի հետազօտութեան յանձնախումբի նախագահ Փաօլօ Սերճիօ Փինհերիօ յայտարարեց, որ Թուրքիա եւ անոր հովանաւորութիւնը վայելող «Սուրիոյ ազգային բանակ» խմբաւորումը հիւսիսային Սուրիոյ քրտաբնակ վայրերուն մէջ պատերազմական ոճրագործութիւններու կը դիմեն։

Փինհերիօ մամլոյ ասուլիսի մը ընթացքին ներկայացուց այս տարուան առաջին կիսամեակին  Սուրիոյ իրադարձութիւններու 25 էջնոց զեկոյցը, որուն մէջ Թուրքիոյ հասցէագրած կոշտ քննադատութիւններ կան։

Ըստ զեկոյցին՝ Սուրիա ներխուժած թրքական ուժը քրտաբնակ շրջաններուն մէջ կը  կողոպտէ եւ կը քանդէ պատմամշակութային արժէք ներկայացնող կառոյցները, որոնցմէ ոմանք ներառնուած ենք ԵՈՒՆԵՍՔՕի համաշխարհային ժառանգութեան ցանկին մէջ։

Կը նշուի նաեւ, որ սուրիական ճգնաժամին եւ համաճարակին պատճառով, շուրջ 9.3 միլիոն քաղաքացիներ զրկուած են բաւարար սնունդէ։

Յանձնախումբին պատրաստած զեկոյցը պիտի ներկայացուի ՄԱԿի Մարդկային իրաւունքներու յանձնաժողովին։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top