Տեղի Ունեցաւ Արցախի Անվտանգութեան Խորհուրդի Անդրանիկ Նիստը   

0917nisd

0917nisd

 

ԵՐԵՒԱՆ, «Արմէնփրէս».- Արցախի Հանրապետութեան նախագահ Արայիկ Յարութիւնեանի գլխաւորութեամբ՝ 15 Սեպտեմբերին տեղի ունեցաւ Անվտանգութեան խորհուրդի անդրանիկ նիստը։

Այս մասին կը յայտնեն Արցախի Հանրապետութեան նախագահի աշխատակազմի տեղեկատուութեան ընդհանուր վարչութենէն:

Նիստին օրակարգի վրայ էին Հանրապետութեան կենսագործունէութեան վերաբերող անվտանգային շարք մը կարեւոր հարցեր: Մինչ օրակարգային հարցերու քննարկման անցնիլը նախագահ Յարութիւնեան հանդէս եկաւ ելոյթով։ Իր խօսքին մէջ նախագահը ըսաւ, որ անվտանգութեան ոլորտին մէջ Հանրապետութեան իշխանութիւններուն  գլխաւոր առաքելութիւնը, նեղ առումով, Արցախի Հանրապետութեան բնակչութեան, իսկ լայն առումով՝ հայ ժողովուրդի անվտանգութեան երաշխաւորումն է։ Այդ ծիրին մէջ, երկրին ղեկավարը նախանշեց ոլորտին մէջ իրականացուելիք քաղաքականութեան գերակայ ուղղութիւնները, որոնք կը ներառեն ռազմական անվտանգութեան, տնտեսական կայուն զարգացման եւ ինքնաբավութեան, կայուն ու արդիւնաւէտ քաղաքական համակարգի կայացման եւ տեղեկատուական անվտանգութեան ապահովումը։

Անդրադառնալով նախանշուած աշխատանքները արդիւնաւէտ կերպով կազմակերպելու հարցին՝ նախագահը կարեւոր նկատեց պետական բոլոր կառոյցներուն կողմէ իրենց գործառոյթներուն պատշաճ իրականացումը հայրենիքի անվտանգութեան ապահովման նպատակով։

Ան շեշտեց, որ ինք՝ իբրեւ պետութեան գլուխ եւ Արցախի Հանրապետութեան ինքնիշխանութեան, անկախութեան, տարածքային ամբողջականութեան եւ անվտանգութեան երաշխաւոր, բոլորովին կը կատարէ իր լիազօրութիւնները եւ նոյնը կը պահանջէ բոլոր մարմիններէն ու պաշտօնատար անձերէն։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top