«Արարատ-Արմէնիա»ն Ապահովեց «Եուրոփա» Մրցաշարքին Գ. Հանգրուանի Տոմսը

0918Ararad

0918Ararad

ԵՐԵՒԱՆ․- Հինգշաբթի օր, «Արարատ-Արմէնիա», որ Երեւանի մէջ հիւրընկալեց Լիւքսամպուրկի ներկայացուցիչ «Ֆոլա-Էսչ» խումբը, ապահովեց «Եուրոփա» ֆութպոլի մրցաշարքին Գ. հանգրուանի իր տոմսը:

Հայաստանի ախոյեանը, Բ. հանգրուանի այս մրցումին մեկնարկը տրուելէն ի վեր, յստակ առաւելութիւն մը ունէր իր մրցակիցին վրայ: Շնորհիւ՝ Ճէյսըն Մարթինեզի նշանակած կօլին (17րդ վայրկեանին), հայրենի կազմը յառաջացաւ 1-0 արդիւնքով: Երկու վայրկեան ետք սակայն, հիւր կազմը հաւասարեցուց արդիւնքը: Ա. կիսախաղին աւարտէն երկու վայրկեան առաջ, հայկական կազմէն Ալեքս Ժունիոր կարմիր քարտ ստացաւ:

Բ. կիսախաղին հիւր կազմը թէեւ նշանակեց երկու կօլեր (մէկը փենալթիով), սակայն «Արարատ-Արմէնիա» իր կարգին նշանակելով երկու կօլեր (երկուքն ալ փենալթիով), շնորհիւ՝ Մէյլսոն Լիմայի (90րդ  եւ 92րդ), հաւասարեցուց արդիւնքը:

Յետ երկարաձգման, շնորհիւ Սարգիս Շահինեանի փոխանցումին, Սերկէյ Վաքուլենքօ նշանակեց վճռական կօլը (113րդ) եւ «Արարատ-Արմէնիա»ն 4-3 յաղթանակ մը կերտեց։

Նշենք, որ նախքան երկարաձգումը, հիւր կազմին մէկ մարզիկը եւս կարմիր քարտ ստացաւ՝ 90րդ վայրկեանին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top