Տաւուշի Բերդի Պեղումներուն Ընթացքին Յայտնաբերուեցան խեցեղէն, Տապանաքարեր Եւ Հնգատող Արձանագրութիւն

0919Davoush

0919Davoush

ԵՐԵՒԱՆ, «Արմէնփրէս».- Հայաստանի Տաւուշի մարզի Բերդ համայնքի «Տաւուշի բերդ» (Թովուզ Ղազա) կոչուող ամրոցին մէջ պեղումներ կը կատարուին։

Լրագրողներու հետ զրոյցի մը ընթացքին Հայաստանի վարչապետի խորհրդական Ռոբերտ Ղուկասեան ըսաւ, որ ամրոցը կրնայ զբօսաշրջութեան զարգացման նոր խթան ըլլալ:

«Այն լոկոմոտիւ ծրագրի բանալին, որը կը կարողանար մարդկանց ստիպել գալ Տաւուշի Բերդ համայնք, գտանք Տաւուշի բերդում։ Այդ կապակցութեամբ առաջարկութիւն ներկայացրի վարչապետին, որ Բերդի կտրուածութեանը վերջ տալու համար, կարծում եմ, լաւագոյն տարբերակը կը լինեն հէնց ամրոցի հնագիտական պեղումները։ Վարչապետն անմիջապէս յանձնարարեց սկսել պեղումները, եւ հիմա դրանք ընթանում են ե՛ւ Տաւուշի բերդում, ե՛ւ բերդի եկեղեցում», ըսաւ Ղուկասեան:

0919Davoush2

Ան վստահեցուց, որ Տաւուշի բերդի պեղումներէն ետք անիկա զբօսաշրջութեան ոլորտին մէջ անպայման իր խօսքը կ՛ունենայ: «Դեռ սաղմնային վիճակում է ամէն ինչ, նոր-նոր ենք սկսել պեղումները, բայց տարբեր մարդիկ յայտ են ներկայացնում, որ հիւրատներ կառուցեն», յայտնեց վարչապետի խորհրդականը։

Հնագիտութեան եւ ազգագիտութեան հիմնարկի գիտաշխատող Յարութիւն Բադալեան ըսաւ, որ այս պահուն պեղումներ կը կատարուին եկեղեցւոյ տարածքին մէջ, որ ամրոցի ստորին հատուածին մէջ կը գտնուի:

0919Davoush3

«Այս պահին մաքրման աշխատանքներ են իրականացւում: 1988 թուականին այստեղ յայտնաբերուել է հնգատող մի արձանագրութիւն, որի վրայ նշուած է, որ եկեղեցին կոչւում է Սբ. Աստուածածին եւ կառուցուել է 1019 թուականին: Այս պահին մենք յայտնաբերել ենք խեցեղէնի բեկորներ, բազմաթիւ տապանաքարեր, որոնցից մէկի վրայ յայտնաբերել ենք արձանագրութիւն», յայտնեց Բադալեան:

Ըստ անոր՝ եկեղեցւոյ մէջ մաքրութեան աշխատանքներու աւարտէն ետք պեղումները պիտի շարունակուին միջնաբերդի հատուածին մէջ:

0919Davoush1

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top