Հայաստանի Եւ Արցախի Արտաքին Գործոց Նախարարութիւնները Ունեցան Ոլորտային Խորհրդակցութիւններ

0919ardakin

0919ardakin

ԵՐԵՒԱՆ, «Արմէնփրէս».- Արցախի արտաքին գործոց նախարարութեան մէջ տեղի ունեցան  ոլորտային խորհրդակցութիւններ Հայաստանի եւ Արցախի արտաքին գործոց նախարարութիւններու կառուցուածքային ստորաբաժանումներուն միջեւ։ Հայաստանի արտաքին գործոց նախարարութեան պատուիրակութիւնը կը գլխաւորէր արտաքին գործոց նախարարութեան ընդհանուր քարտուղար Վահագն Մելիքեան, իսկ Արցախի պատուիրակութիւնը՝ Արցախի արտաքին գործոց նախարարութեան ընդհանուր քարտուղար Սեմիոն Աֆիեան։

Զոյգ պատուիրակութիւններուն մէջ ներգրաւուած համապատասխան ստորաբաժանումներու ղեկավարները հանգամանալից կերպով քննարկեցին գերատեսչութիւններուն միջեւ ոլորտային համագործակցութեան ամրապնդման եւ խորացման վերաբերող հարցեր:

Աշխատանքային այցելութեամբ Արցախ գտնուող Հայաստանի արտաքին գործոց նախարարութան պատուիրակութիւնը ընդունեց Արցախի արտաքին գործոց նախարար Մասիս Մայիլեան: Ան մեծապէս կարեւոր համարեց Արցախի եւ Հայաստանի արտաքին քաղաքական գերատեսչութիւններուն միջեւ նման ձեւաչափով խորհրդակցութիւններու իրականացումը, ինչ որ կարելիութիւն կու տայ ուրուագծելու երկու գերատեսչութիւններուն միջեւ հաստատուած համագործակցութեան առաւել ընդլայնման հեռանկարները:

Վահագն Մելիքեան շնորհակալութիւն յայտնեց արցախեան կողմին՝ ջերմ ընդունելութեան համար եւ ընդգծեց երկու արտաքին գործոց նախարարութիւններուն միջեւ ստորագրուած խորհրդակցութիւններու ծրագիրի ծիրին մէջ պարբերական հանդիպումներու եւ փոխադարձ այցելութիւններու կարեւորութիւնը։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top