Ալիս Ներկիզեան Կը Հոգայ  Պէյրութի Մեսրոպեանի Վարժարանի Մանկապարտէզի 150 Աշակերտներու Կրթաթոշակները

0925msrb

0925msrb

ՊԷՅՐՈՒԹ․- Ալիս Ներկիզեան (Գանատա) Մեսրոպեանի տնօրէնութեան հաղորդեց, որ յանձն կ՛առնէ հոգալ Հայ Կաթողիկէ Մեսրոպեան Բարձրագոյն վարժարանի մանկապարտէզի բոլոր` 150 աշակերտներուն այս տարեշրջանի կրթաթոշակները:

Որոշումը հետեւեցաւ Հայ կաթողիկէ պատրիարքութեան վարժարաններուն վերաբերող 24 Սեպտեմբերի յայտարարութեան, որմով պատրիարքութիւնը կը հաղորդէր, որ 2020-2023` երեք յաջորդական տարեշրջաններուն Մեսրոպեան եւ Հարպոյեան-Սուրբ Խաչ վարժարաններու ծնողները իրենց զաւակներու կրթաթոշակին միայն մէկ երրորդը պիտի վճարեն:

Մեսրոպեանի տնօրէնութիւնը կրթական ամբողջ ընտանիքին անունով խորին շնորհակալութիւն կը յայտնէ Ալիս Ներկիզեանին այս օգնութեան համար, որուն կարեւորութիւնը, նիւթական թէ բարոյական առումներով, անգնահատելիլ է ներկայ դժուարին պայմաններուն մէջ:

Յիշեցնենք, որ Ալիս Ներկիզեանի անունը կը կրէ Մեսրոպեանի մանկամսուրը, որ քանի մը տարի առաջ հիմնովին բարեկարգուեցաւ անոր զաւակին՝ Վարուժ Ներկիզեանի օժանդակութեամբ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top