«Բնակիչներին Տարհանելու Մասին Փաստաթուղթը Ադրբեջանական Կեղծիք Է». Արցախի ԱԱԾ

0926Artzakh (1)

0926Artzakh (1)

ՍՏԵՓԱՆԱԿԵՐՏ, «Արմէնփրէս».- Ատրպէյճանական յատուկ ծառայութիւնները «Արցախի բնակիչները տարհանելու մասին» կեղծ փաստաթուղթ դրած են շրջանառութեան մէջ՝ ընկերային ցանցերու ճամբով: Այս մասին Արցախի Հանրապետութեան Ազգային անվտանգութեան ծառայութիւնը հրապարակեց հետեւեալ հաղորդագրութիւնը.

«Արցախի Հանրապետութեան Ազգային անվտանգութեան ծառայութիւնը, հետամուտ լինելով տեղեկատուական անվտանգութեան ոլորտում օրէնսդրութեամբ իրեն վերապահուած գործառոյթների եւ լիազօրութիւնների իրականացմանը, հաշուի առնելով սոցիալական ցանցերում հրապարակուած «Արցախի բնակիչներին տարհանելու մասին» փաստաթղթի շուրջ հասարակութեան մէջ առաջացած հետաքրքրութիւնը, կանխելու համար չճշդուած, իսկ որոշ դէպքերում ապատեղեկատուութեան տարածմանն ուղղուած մեկնաբանութիւնները, հարկ է համարում իրազեկել, որ ադրբեջանական յատուկ ծառայութիւնների կողմից կրկին ապատեղեկատուութիւն տարածելու ակտիւ (աշխուժ-Խմբ.) փորձեր են իրականացւում, քանի որ նշուած փաստաթուղթը կեղծ է։

Նշուած հանգամանքը մէկ անգամ եւս վկայում է, որ ադրբեջանական կողմը փորձում է էժանագին միջոցներով խուճապ առաջացնել հայ հասարակութեան շրջանում:

«Կոչ ենք անում մեր քաղաքացիներին զերծ մնալ սոցիալական ցանցերում նմանատիպ տեղեկութիւններ տարածելուց, անծանօթների հետ ռազմական բնոյթի թեմաներով շփումներից եւ հետեւել միայն պաշտօնական լրահոսին»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top