Պաշտպանութեան Բանակը Ետ Քաշեց Զօրքերը՝ Թշնամիին Աւելի Մեծ Վնասներ Հասցնելու Համար

1006vahram

1006vahram

ԵՐԵՒԱՆ, «Արմէնփրէս».- Արցախի Հանրապետութեան նախագահի մամլոյ խօսնակ Վահրամ Պօղոսեան 5 Հոկտեմբերին յայտնեց, թէ աւելորդ շահարկումներէ խուսափելու համար կ՛ուզէ յստակացնել, որ սահմանագիծի որոշ ուղղութիւններու մէջ մարտավարական նպատակով պաշտպանութեան բանակը ետ քաշած է իր զօրքերը, որպէսզի խուսափի աւելորդ զոհերէ, ինչպէս նաեւ աւելի մեծ վնասներ հասցնէ թշնամիի զօրքերուն։

«Երկու առումով էլ ձեռքբերումները զգալի են։ Բանակի հրամանատարութիւնը շարունակում է արհեստավարժ կերպով վարել մարտերը, եւ հեռու չէ այն օրը, երբ կը տեսնենք, թէ ինչպէս է թշնամու կազմալուծուած բանակը խուճապահար նահանջում։ Ու որոշումն արդէն ընդունուած է, մենք կանգ չենք առնելու», հաստատեց ան։

Ան դիտել տուաւ, որ թշնամիին ռազմական կառոյցներուն հասցուած հարուածներէն ետք, Ատրպէյճանի զանազան քաղաքներէ քանի մը հարիւր հազար քաղաքացիներ խուճապահար փախուստ տուած են դէպի Պաքու եւ թիկունքային այլ բնակավայրեր: «Շնորհակալ ենք Ատրպէյճանի ժողովրդին՝ ցուցաբերած  քաղաքացիական բարձր գիտակցութեան համար: Իրականում, օր առաջ պէտք է շտապել», յայտնեց ան։

Այս գծով արտայայտուեցաւ նաեւ Հայաստանի պաշտպանութեան նախարարութեան ներկայացուցիչ Արծրուն Յովհաննիսեան՝ նշելով, թէ Ատրպէյճանի ռազմաքաղաքական ղեկավարութիւնը չէ հետաքրքրուած իր քաղաքացիներու անվտանգութեամբ: Անոնք ապատեղեկատուութիւն տարածելով՝ սադրանքներու հող կը նախապատրաստեն:

Միւս կողմէ, պաշտպանութեան նախարարութեան մամլոյ խօսնակ Շուշան Ստեփանեան յայտարարեց, որ Ատրպէյճանի պաշտօնական շրջանակները արդէն քանիերորդ անգամն ըլլալով իրականութեան հետ որեւէ աղերս չունեցող յայտարարութիւններ կը տարածեն՝ իբր թէ Հայաստանէն թիրախ կը դառնան Ատրպէյճանի այս կամ այն բնակավայրերը։ «Նման կեղծ տեղեկատուական հոսքերի նպատակը սեփական նկրտումները կոծկելն է», յայտնեց Ստեփանեան։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top