Արցախի Մէջ Զոհուած Են 19, Վիրաւորուած՝ 80 Խաղաղ Բնակիչներ

1006Gorousd

1006GorousdԵՐԵՒԱՆ, «Արմէնփրէս».- Արցախի մարդու իրաւունքներու պաշտպան Արտակ Բեգլարեան 5 Հոկտեմբերին յայտարարեց, որ 27 Սեպտեմբերէն 4 Հոկտեմբեր երկարող ժամանակաշրջանին պատերազմական յանցագործութիւններուն իբրեւ հետեւանք Արցախի մէջ զոհուած է 19, վիրաւորուած` 80 քաղաքացի, վնասուած է մօտ 2700 միաւոր գոյք ու ենթակառուցուածք:

19 զոհերուն մէջ են 1 մանկահասակ աղջիկ, 7 կին եւ 11 տղամարդ:

Մահուան դէպքերը արձանագրուած են Ստեփանակերտ (7 անձ), Մարտունի (6 անձ), Հադրութ (1 անձ) եւ Մարտակերտ (3 անձ) քաղաքներուն մէջ, Մարտակերտի շրջանի Ալաշան բնակավայրին (1 անձ) եւ Մեծ Շէն համայնքին յարակից վայրին մէջ (1 անձ):

Վիաւորուած են ընդհանուր առմամբ շուրջ 80 քաղաքացիներ, որոնցմէ 60ը ունեցած են լուրջ վնասուածքներ: Անոնցմէ 48ը արական, իսկ 12ը իգական սեռի պատկանող քաղաքացիներ են:

Նախնական տուեալներով լրջօրէն վնասուած է աւելի քան 2100 մասնաւոր սեփականութեան անշարժ գոյք (բնակելի տուներ, խանութներ եւ այլն), աւելի քան 240 ինքնաշարժ, շուրջ 350 ենթակառուցուածքային ու արտադրական նշանակութեան կառոյցներ:

Բեգլարեան շեշտեց, որ Ստեփանակերտի ու շարք մը այլ բնակավայրերու մէջ ատրպէյճանական զինուած ուժերը դիտաւորեալ կերպով սկսած են թիրախաւորել կենսական նշանակութեան ենթակառուցուածքները, ինչ որ պատերազմական շատ լուրջ յանցագործութիւն է` խորացնելով Արցախի մէջ առկայ մարդասիրական ճգնաժամը

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top