Արցախի Պաշտպանութեան Բանակը Ռմբակոծեց Գանձակ Քաղաքի Ռազմական Կեդրոնները

1006Kantzag1

1006Kantzag1

ԵՐԵՒԱՆ, «Արմէնփրէս».- 4 Հոկտեմբերին, Արցախի նախագահ Արայիկ Յարութիւնեան հրապարակեց լուսանկար սահմանագիծէն եւ գրառում կատարեց, թէ կը խմէ զինուորի պատրաստած ամէնէն համով սուրճը` մեր հերոս տղոց հետ:

Քիչ ետք ան դիտել տուաւ, որ, իր հրամանով, 4 Հոկտեմբերին, պաշտպանութեան բանակը Գանձակ քաղաքին մէջ տեղակայուած ռազմական կեդրոնները վնասազերծելու նպատակով՝ հասցուցած է քանի մը հրթիռային հարուած: Ըստ նախագահին՝ աւելի ուշ յանձնարարած է դադրեցնել կրակը` քաղաքացիական բնակչութեան մէջ անմեղ զոհերէ խուսափելու համար:

Օրուան ընթացքին, աւելի ուշ, նախագահ Յարութիւնեան դիտել տուաւ, որ, հակառակ բազմաթիւ նախազգուշացումներու` Ատրպէյճանի ահաբեկչական բանակը կը շարունակէ թիրախաւորել Ստեփանակերտի խաղաղ բնակչութիւնը` օգտագործելով «Փոլոնեզ» եւ «Սմերչ» համակարգեր:

Ատրպէյճանի մեծ քաղաքներուն մէջ մնայուն տեղակայուած զինուորական կեդրոնները այսուհետեւ դարձան պաշտպանութեան բանակի թիրախները: Արցախի նախագահը Ատրպէյճանի բնակչութեան կոչ ուղղեց՝ շուտով լքելու այդ քաղաքները հաւանական կորուստներէ խուսափելու համար:

Ա. Յարութիւնեան հաստատեց, որ եղածին ամբողջական պատասխանատուութիւնը կը կրէ Ատրպէյճանի ռազմաքաղաքական ղեկավարութիւնը։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top