Թրամփի Անմիջական Շրջանակէն Առնուազն 11 Անձեր Վարակուած Են «Քորոնա» Ժահրով

1007corona

1007coronaՈՒԱՇԻՆԿԹԸՆ, «Պի.Պի.Սի.».- Անցեալ Հինգշաբթի գիշեր, Սպիտակ տունը հաղորդեց, թէ ամիսներէ ի վեր համաճարակին բաւարար լրջութեամբ չմօտեցող նախագահ Տանըլտ Թրամփ եւ անոր կինը եւս վարակուած են «Քորոնա» ժահրով, նշելով, որ նախագահին վիճակը ծանր չէ եւ ամբողջական ապաքինումը ակնկալելի է: Վերջին քանի մը օրերուն, ան զանզան դարմանումներու ենթարկուեցաւ պետական «Ուոլթըր Չիտ» հիւանդանոցին մէջ։

Երկուշաբթի օր հաղորդուեցաւ, որ Թրամփի անմիջական շրջանակէն ցարդ առնուազն 11 հոգի նոյն ժահրով վարակուած են։ Անոնց շարքին են Թրամփի բանբեր Քէյլի ՄըքԷնընի, որ յաճախ լրագրողներու կողմէ կը քննադատուէր դիմակ չկրելուն համար։

Նշենք, որ Լոս Անճելըս գաւառի տարածքին 4 Հոկտեմբերին արձանագրուեցան 933 նոր վարակումներ եւ 5 մահեր։

Քալիֆորնիոյ տարածքին ցարդ արձանագրուած են 832,848 վարակումներ եւ 16,147 մահեր, իսկ Թեքսասի եւ Ֆլորիտայի մէջ յաջորդաբար 805,485 եւ 717,874 վարակումներ, ինչպէս նաեւ 16,505 եւ 14,722 մահեր:

7.6 միլիոն վարակակիրներով եւ 214,785 մահերով աշխարհի առաջինը հանդիսացող Միացեալ Նահագներուն կը յաջորդեն Հնդկաստան, Պրազիլ եւ Ռուսիա, ուր կան յաջորդաբար 6.7 միլիոն, 4.9 միլիոն եւ 1.23 միլիոն վարակուածներ: Պրազիլի մէջ արձանագրուած են 146,417 մահեր, Հնդկաստանի մէջ` 103,600, իսկ Մեքսիքայի՝ 79,088:

Աշխարհի տարածքին վարակուածներու մօտաւոր թիւը 35.5 միլիոն է, իսկ մահերունը՝ 1.04 միլիոն: Ապաքինած են աւելի քան 26.7 միլիոն վարակուածներ:

 

 

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top