#ՕգնությունԱրցախին Կրկնապատկուող Հանգանակութեան Ծրագիրին Մեկնարկը

1006agbu

1006agbu

Ի պատասխան Արցախի մէջ յարաճող մարդասիրական կարիքներուն, ՀԲԸՄի Կեդրոնական վարչական ժողովը, համագործակցութեամբ Հայաստան Համահայկական հիմնադրամին՝ կը յայտարարէ #ՕգնությունԱրցախին կրկնապատկուող հանգանակութեան ծրագիրին մեկնարկը: Ծրագիրը նուիրատուութիւններու համար բաց է մինչեւ 15 Նոյեմբեր:

Այս ծրագիրով հանգանակուած գումարները պիտի յատկացուին Արցախի եւ Հայաստանի մէջ բացառապէս մարդասիրական օժանդակութեան եւ հրատապ օգնութեան-բժշկական սարքերու ձեռքբերման, դիմագրաւելու այն լայնածաւալ պատերազմը, որ սանձազերծուեցաւ 27 Սեպտեմբերի թշնամական նախայարձակ գործողութիւններով:

Իբրեւ նախնական խթան այս այժմէական նախաձեռնութեան՝ ՀԲԸՄը արդէն մէկ միլիոն տոլար յատկացում մը տրամադրած է Համահայկական հիմնադրամին: Այս քայլը զուգորդուած է այն յանձնառութեամբ, որ ՀԲԸՄը պիտի կատարէ նաեւ իր ստացած նուիրատուութիւններուն համարժէք յատկացում: ՀԲԸՄը պատրասակամ է կրկնապատկելու իւրաքանչիւր նուիրուած տոլար՝ մինչեւ հինգ միլիոն տոլարի սահմանը: Այս կը վերաբերի մինչեւ հարիւր հազար տոլար արժողութեամբ որեւէ անհատական նուիրատուութեան:

Անյապաղ օժանդակութիւն ցուցաբերելու համար, քաջալերելի պիտի ըլլայ նուիրատուութիւնը կատարել առցանց: ՀԲԸՄը ամբողջացած իւրաքանչիւր 500,000 գումարը անմիջապէս պիտի փոխանցէ Համահայկական հիմնադրամին: Կը խնդրուի նկատի ունենալ, որ նուիրատուութիւնները պէտք է կատարել ուղղակիօրէն ՀԲԸՄի անունով: Մասնակցելու համար այցելեցէ՛ք www.agbu.org/aid4artsakh կայքէջը, իսկ դրամատնային փոխանցումներու համար՝ giving@agbu.org:

Յաւելեալ տեղեկութիւններու համար դիմել www.agbu.org/aid4artsakh հասցէին:

 

ՀԲԸՄի Կեդրոնական Վարչական Ժողով

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top