Պայտըն Կը Քննադատէ Արցախի Պատերազմին Նկատմամբ Թրամփի Կրաւորական Կեցուածքը

1014jo

1014joՈՒԱՇԻՆԿԹԸՆ․- Միացեալ Նահանգներու նախագահի թեկնածու Ճօ Պայտըն եւ փոխնախագահի թեկնածու Քամըլա Հերիս 13 Հոկտեմբերին երկու անջատ յայտարարութիւններ տարածեցին Արցախի տագնապին վերաբերեալ` ընդգծելով, որ բախումներուն ընթացքին Թրամփի վարչակազմը մեծ մասամբ «անհասկնալիօրէն կրաւորական էր»:

Պայտըն մտահոգութիւն յայտնեց Արցախի հակամարտութեան գօտիին վրայ 10 Հոկտեմբերին ի զօրու դարձած զինադադարի խախտումներուն նկատմամբ՝ նշելով. «Անօդաչու թռչող սարքեր, ռումբեր եւ հեռահար հրետանին հարիւրաւոր կեանքեր կը խլեն սահմանագիծի երկու կողմերուն վրայ՝ տեղահանելով հազարաւոր խաղաղ բնակիչներ: 27 Սեպտեմբերի ռազմական գործողութիւններու բռնկումէն ի վեր ո՛չ նախագահ Թրամփ, ո՛չ ալ արտաքին գործոց նախարար Փոմփէօ հեռաձայնեցին Հայաստանի եւ Ատրպէյճանի ղեկավարներուն, երբ տարածաշրջանը կրակներու մէջ է: Դիւանագիտութիւնը Մոսկուան լիազօրելու փոխարէն, ամերիկեան վարչակազմը պէտք է առաւելագոյն ներգրաւուածութիւն ունենայ ամենաբարձր մակարդակներու վրայ` աշխատելով մեր եւրոպացի գործընկերներուն հետ մարտերը կանգնեցնելու եւ երկու կողմերը բանակցութիւններու վերադարձնելու համար»։

Ան շեշտեց, թէ Թրամփի վարչակազմը պէտք է հասկցնէ Պաքուին, որ չի հանդուրժեր հակամարտութեան ռազմական լուծում պարտադրելու վերջինիս ջանքերը եւ թէ անհրաժեշտ են յուսալի բանակցութիւններ հակամարտութեան տեւական լուծման շուրջ:

«Ամերիկա պէտք է դադրեցնէ փաղաքշել թէ՛ Թուրքիան եւ թէ Իրանը եւ պէտք է պահանջէ, որ հեռու մնան այս հակամարտութենէն: Հայաստանին պէտք է փոխանցուի, որ Լեռնային Ղարաբաղի կից շրջանները չեն կրնար գրաւուած մնալ։ Թուրքիոյ կողմէ Ատրպէյճանին զէնքի մատակարարումը եւ ռազմական լուծումը խրախուսող ռազմատենչ հռետորաբանութիւնը անպատասխանատու է: Դիւանագիտական լուծումի հասնիլը դիւրին չէ, բայց Թրամփի վարչակազմը պարտաւոր է փորձել: Այդ պէտք է ընէ շտապ, նախքան աւելի շատ կեանքեր կորսնցնելը եւ հակամարտութեան ընդլայնումը», յայտնեց Պայտըն։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top