Ֆրանսայի Խորհրդարանին Ներկայացուեցաւ Արցախի Հանրապետութիւնը Ճանչնալու Օրինագիծը

1014French-National-Assembly

1014French-National-Assembly

Արցախի անկախտութիւնը Ճանչնալու պահանջով ցոյց

ՓԱՐԻԶ, «Արմէնփրէս»․- Ֆրանսայի խորհրդարանին ներկայացուեցաւ Արցախի Հանրապետութիւնը ճանչնալու մասին օրինագիծը, կը յայտնէ Հայաստանի պետական հետաքրքրութիւններու ֆոնտի գործադիր տնօրէն Դաւիթ Փափազեան`աւելցնելով, որ այդ ուղղութեամբ վերջին օրերուն համակարգուած աշխատանք կը տարուի ֆրանսացիներուն հետ:

«10 օրէ ի վեր մենք Ֆրանսայի նախկին վարչապետ Տոմինիք տը Վիլփենի, տեղացի լրագրողներու, խորհրդարանի պատգամաւորներու հետ կ՛աշխատէինք` բացատրելով, թէ 27 Սեպտեմբերէն ի վեր ինչ տեղի կ՛ունենայ արցախա-ատրպէյճանական շփման գիծին երկայքով, կը ներկայացնէինք նաեւ Թուրքիոյ ներգրաւուածութիւնը եւ դերը անոր տեղափոխած վարձկաններուն, որոնք փոխած են տագնապին պատկերը: Բացատրած ենք, որ հանգուցալուծման միակ իրական քաղաքական ճանապարհը Արցախի Հանրապետութեան անկախութեան ճանաչումն է միջազգային հանրութեան կողմէ: Եւ որովհետեւ Ֆրանսայի խորհրդարանին մէջ մարդիկ իրականութիւնը արագ կը հասկնան, նախագիծը արդէն մտաւ Ֆրանսայի Ազգային ժողովի ստորին պալատը», ըսաւ Փափազեան:

Կը նախատեսուի, որ նախագիծը քննարկուի յառաջիկայ քանի մը շաբաթներուն ընթացքին: Նախագիծը առաջին ստորագրողը եղած է Ընկերվարական կուսակցութեան ներկայացուցիչ Ֆրանսուա Փուփոնը: Փափազեան իր երախտագիտութիւնը յայտնած ֆրանսացի գործընկերներուն, որոնք իրենց հայանպաստ ձեռնարկումներով հետեւողականօրէն իրենց օժանդակութիւնը կը բերեն Արցախի հարցի կարգաւորման եւ արդարութեան վերականգնման գործընթացներուն մէջ:

1014france

Փափազեան նկատել տուաւ, որ նոյն ուղղութեամբ աշխատանքներ կը տարուին Լոնտոնի եւ Հռոմի մէջ:

Նշենք, որ Ֆրանսայի հայ համայնքը խորհրդարանին կից տարածքին մէջ 13 Հոկտեմբերի գիշերը բազմամարդ հաւաք կատարեց՝ Արցախի անկախութիւնը ճանաչելու պահանջով:

Լրագրող Էլլադա Ղուկասեան ընդգծեց, որ Արցախի անկախութիւնը ճանաչելու պահանջով 20 Հոկտեմբերին եւս հաւաք տեղի պիտի ունենայ, նոյն վայրը:

Բազմամարդ հաւաքին ելոյթ ունեցան Ֆրանսայի հայկական կազմակերպութիւնները համակարգող խորհուրդի համանախագահներ՝ Մուրատ Փափազեան եւ Արա Թորանեան: Հաւաքին ներկայ էին նաեւ Ֆրանսայի խորհրդարանի պատգամաւոր Վալերի Պուայէ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top