Զինադադարի Նոր Համաձայնութիւն

1032740

1032740

ՈՒԱՇԻՆԿԹԸՆ.-  Միացեալ Նահանգներու Պետական քարտուղարութեան աղբիւրներ կը յայտնեն որ Հոկտեմբեր 24ին Միացեալ Նահանգներու փոխ Պետական քարտուղար Սթիվըն Պիկընի հետ հանդիպումի մը ընթացքին Հայաստանի Արտաքին գործոց նախարար Զոհրապ Մնացականեան եւ Ատրպէյճանի Արտաքին գործոց նախարար Ճէյհուն Պայրամով վերահաստատած են իրենց տրամադրութիւնը՝ Մոսկուայի մէջ Հոկտեմբեր 10ին մարդասիրական զինադադար հաստատելու գծով գոյացած համաձայնագիրը կրկին գործադրութեան դնելու Հոկտեմբեր 26ին, տեղական ժամանակով առաւօտեան ժամը 8էն սկսեալ:  Այս առիթով հրապարակուած յայտարարութեան մէջ կ՛ըսուի նաեւ, որ Միացեալ Նահանգներ նպաստեց որ արտաքին գործոց երկու նախարարները՝ Մինսկի Խմբակի համանախագահութեան հետ աշխոյժ բանակցութիւններու ճամբով Հայաստանի եւ Ատրպէյճանի համար առաւել իրականալի դարձնեն Լեռնային Ղարաբաղի հակամարտութեան խաղաղ  լուծումը:

Միւս կողմէ, Մինսկի խմբակի համանախագահութիւնը հրապարակեց յայտարարութիւնը մը, որ կը տեղեկացնէ որ Հայաստանի եւ Ատրպէյճանի արտաքին գործոց նախարարներուն՝   Մինսկի խմբակի համանախագահներուն մասնակցութեամբ բանակցային յաջորդ հանդիպումը տեղի պիտի ունենայ Հոկտեմբեր 29ին, Ժընէւի մէջ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top