Յսկումի Յատուկ Արարողութիւն Հայրենիքի Եւ Հայոց Բանակի Ապահովութեան Համար

1028Hsgoum

1028HsgoumԿԼԵՆՏԷՅԼ.- Նախագահութեամբ Ամերիկայի Արեւմտեան թեմի նորընտիր առաջնորդ Թորգոմ եպս. Տօնոյեանի եւ մասնակցութեամբ հարաւային Քալիֆորնիոյ թեմի հոգեւորական դասուն, Չորեքշաբթի, 21 Հոկտեմբերին, Կլենտէյլի Ս. Աստուածածին եկեղեցւոյ մէջ տեղի ունեցաւ հսկումի յատուկ արարողութիւն մը, Հայաստանի եւ Արցախի անսասանութեան, Հայոց բանակի եւ հայ ժողովուրդի ապահովութեան համար:

Շարականներու երգեցողութեամբ, աղօթքներով եւ առաջնորդ սրբազան հօր պատգամին ընդմէջէն առ Աստուած խնդրանք մատուցուեցաւ՝ Հայաստանի եւ Արցախի դէմ գործադրուող պատերազմի դադրեցման ու խաղաղութեան հաստատման:

Առաջնորդ հօր մտածումը ամրագրելով հաւատացեալ հայ ժողովուրդի սիրտին ու կեանքին մէջ, թէ՝ պատերազմի առաջին իսկ օրէն աշխարհասփիւռ հայ զաւակները ձեռք երկարեցին Հայաստան աշխարհին, եւ «այդ ձեռքը, որ կ՛երկարի դէպի Հայաստան, ժամանակի սահմանին մէջ չ՛ամփոփուիր, այլ նուիրեալ առաքելութիւնը նոր մակարդակով մը կը սկսի, որպէսզի մեր բոլորանուէր ծառայութեանց կողքին շարունակենք լիաբուռն նուիրել Հայաստանին եւ Արցախին», արարողութիւնը վերջ գտաւ կոմիտասեան «Տէր Ողորմեա»ով։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top