Աղօթք Արցախին՝ Լոս Անճելըս Գաւառի Վերահսկիչներու Խորհուրդին Կազմակերպութեամբ

1028LACity2

1028LACity2

ԼՈՍ ԱՆՃԵԼԸՍ.- Ուրբաթ, 23 Հոկտեմբերին, Լոս Անճելըս գաւառի վերահսկիչներու խորհուրդին կազմակերպութեամբ, Լոս Անճելըս Grand Park-ին մէջ տեղի ունեցաւ հաւաքական աղօթք՝ իբրեւ զօրակցութիւն Արցախի ժողովուրդին:

Արեւմտեան թեմի առաջնորդ Թորգոմ եպս. Տօնոյեան ներկայ գտնուեցաւ սոյն ձեռնարկին, իր պատգամը յղեց, ապա աղօթք բարձրացուց առ բարձրեալն Աստուած Հայաստանի եւ Արցախի խաղաղութեան ու անվտանգութեան համար: Առաջնորդ սրբազան հօր կ՛ընկերակցէր Մովսէս քհնյ. Շաննագեան:

UntitledԹորգոմ եպիսկոպոս իր խօսքին մէջ նշեց, որ հայ ժողովուրդը իր պատմութեան ընթացքին անցած է բազմապիսի փորձութիւններէ եւ փորձանքներէ՝ աւելցնելով. «Մենք Ցեղասպանութիւն տեսած ժողովուրդ ենք, սակայն յարութիւն առած եւ վերակենադանացած՝ մեր հաւատքին ու կամքին շնորհիւ: Այսօր, մեր նախահայրերու արեամբ ջրդեղուած հողին վրայ տեղի ունեցող պատահարներուն ի տես՝ մեր վէրքերը դարձեալ կը կոտտան: Այս իմաստով մեր ձեռքերը վեր բարձրացուցած ենք միահամուռ աղօթելու եւ միասնաբար գործելու՝ վասն խաղաղութեան եւ արդարութեան: Ուրախ ենք, որ այս բոլոր իրադարձութիւններուն ընթացքին, մեր կողքին կանգնած են առաքինի եւ արդար մարդիկ, որոնք իրենց կարգին արդարութեան ձայնը կը հնչեցնեն զանազան բեմահարթակներու վրայ»:

Նշենք, որ ձեռնարկին իրենց մասնակցութիւնը բերին Արեւմտեան թեմի առաջնորդ Յովնան արք. Տէրտէրեան, Հայ աւետարանական եկեղեցիներու միութեան ատենապետ վերապատուելի Պերճ Ճամպազեան, Հայ կաթողիկէ առաջնորդի ներկայացուցիչ հայր Արմենակ Պետրոսեան եւ վերահսկիչներ Քեթրին Պարկըր եւ Հիլտա Սոլիս:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top