Երեք Հայեր Դանակահարուեցան Ֆրեզնոյի Մէջ Ցոյցին Ընթացքին

1031fresno

1031fresno

ՖՐԵԶՆՕ, «Էյ.Պի.Սի.», «Քէյ.Թի.Էլ.Էյ.».- Չորեքշաբթի, 28 Հոկտեմբերի երեկոյեան, Ֆրեզնոյի մէջ տեղի ունեցած Արցախի եւ Հայաստանի ի նպաստ եւ Ատրպէյճանն ու Թուրքիան դատապարտող խաղաղ ցոյցի մը ընթացքին, հայ ցուցարարներ ենթարկուեցան յարձակումի եւ երեք հայեր դանակահարուեցան:

Ոստիկանութիւնը ձերբակալեց յանցագործը։

Վկաներէն մէկուն նկարահանած տեսանիւթին մէջ կ՛երեւի, թէ կասկածեալին նախ կը պատրէ ցուցարարներուն մէկ պաստառը, ապա փայտէ մահակով կը սպառնայ ցուցարարներուն: Երբ ցուցարարները կը փորձեն կանխել անոր յարձակումը, ան յանկարծ գրպանէն կը հանէ դանակ մը ու կը սկսի հարուածել:

1031fresno2

Վիրաւորուած են 18էն 26 տարիքի երեք երիտասարդներ, մէկը՝ ձեռքէն, միւսը՝ ուսէն, իսկ երրորդին մատը կտրուած էել:

Ցուցարարները խոստացան շարունակել իրենց խաղաղ հաւաքները՝ ամերիկացիներու ուշադրութիւնը հրաւիրելու համար Արցախի մէջ տեղի ունեցող իրադարձութիւններուն վրայ:

Ասիկա առաջին դէպքը չէ, երբ Ատրպէյճան եւ Թուրքիա պատերազմը սահմանէն կը տեղափոխեն երրորդ երկիրներու տարածք եւ կը սկսին սադրիչ գործողութիւններու արշաւ, կը տեղեկացնէ Սփիւռքի հարցերու գլխաւոր յանձնակատարի գրասենեակը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top